Read Chokri Naga THESSALONIAKO KÜRAO 1 Bible Online

THESSALONIAKO KÜRAO 1 - Chokri Naga bible

THESSALONIAKO KÜRAO 1

¹Paul, Silvanus, mu Timothy lesi thopü Thessalonian miko kehulü kesü, Jihova u Po mu Khrista Jisu celü ketako uko Niepoo; ngokemezhe po neko celü bayite, kezü keve Jihova uko po mu Niepoo Jisu Khrista.

²Hako Jihova kethezü khasü süzo bayo nekola, neko zathe de kechothi bayo.

³Neko kemelü mhatho rekra mota yomo, kekhrü mhatho, sügü süheti kemeri Niepoo Jisu Khrista Jihova mhüngolü ukopo.

⁴Sekeba, sazüjüra kethi kehülü, neko keda mekreyi keta.

⁵Kekrelamori hako jüyi khipü nekoce kevori jüo lebi zomo vele kekulü, rizo mu Kemesa Rüpü, mu setü melütü tilü; neko sekeba hako thüma dipü bitisheri hazhorele neko dolü kebace.

⁶Neko hasa mejite, mu Niepoo sajimi thite, kemezhe tilü jüo khiyi, Kemesa Rüpü kenelü.

⁷Süla neko kehü thaka thipü Macedonia mu Achaia lü keba metüko kemelü zasi thisüte.

⁸Kekrelamori neko yo Niepoo jü keyepü Macedonia mu Achaia lü lebi kemo, vele sükezü therüo kemelü ceco la keye kemeyolü vote, süla hako jüpüri posamori vete.

⁹Kekrelamori uko hako tha mengo püsüte, hako zhorele dipü bide ta nekoce vori sheri neko seba, mu neko therümarhe kereshülü regüsü kerhü ketho Jihova püce vori keto.

¹⁰Mu pü Nu tülü kevori meri, pü kesalü phu merhü kesü, Jisu zo, lekhu vori ketolü pü uko merhü süve.