Read Chokri Naga THESSALONIAKO KÜRAO 3 Bible Online

THESSALONIAKO KÜRAO 3 - Chokri Naga bible

THESSALONIAKO KÜRAO 3

¹Neko gümechoyi ho baketace neko khapü Athens neko lebi po ba keta veketo lü.

²Mu Timothy, hako sazüo ketsü süte, pü Jihova cetao, hako züde yitholü ketao, Khrista jüyikeve mhatholü, neko mesükesü, neko lü thomelu kesü, neko kemelü la.

³Side kethilü neko mipüri thi redeva moketo kekrelamori neko thozori seba hako kedopü sülü sü keta.

⁴Kethozo, hako neko zü batice, thajü vo ketako bi mipo uko methimeni zo metse, nekori seba.

⁵Püco hiola I gübayi hote, I neko kemelü se ketola ketsü süte, molize dophi miko tavo neko kedota ri seho, side hako mhatho kemethu thita lize.

⁶Vele tsühi Timothy neko celü ta hico vori tolize side neko kemelü kevaphiti kekhrü theju keve püvori tisa, side neko ha rekra sü keba pükeve hako zü kesü nyüsa sü keba, hako sheri neko zü de kesünyü kebabi.

⁷Süla sazüjüra kethiko, neko la halü thomelu halü methi keba tülü mu neko kemelü lüpü halü tsakhu keba tülü.

⁸Kekrelamori tsühi, mhace ne Niepoo kemelü thayi ketasa ha va kesürhü pü bate.

⁹Nekola Jihova kemeza dipü pota, kekrelamori kenü süo nekola hanü ba keta Jihova mhüjülü.

¹⁰Tüsotüzü metsü neko neko zü ngokenyüla kechothi tso sü keto kelüla;

¹¹Tsühi Jihova pütho ukopo kethi, mu u Niepo Jisu Khrista, hako chotha thipü nekoce sü.

¹²Niepoo neko thipü hunehu kekhrü mu krokechü bazoti, mu thüma metüyo, hako nekoyo thi kebabi.

¹³Pü thelalü neko thipü mejova kesu, kemesalü, süde Jihova mhüjülü, uko Niepoo Jisu Khrista kemesako metü pü zü sala kevorice.