Read Chokri Naga TIMOTHY KÜNAO 3 Bible Online

TIMOTHY KÜNAO 3 - Chokri Naga bible

TIMOTHY KÜNAO 3

¹Süzio tüsozho thülako lü kümüprü tü vo zoto küzü dzü süo sheyite.

²Sücesü thüma utho uzhozhü küphu, sühce rüka kümüho, kümüha kümüko, mikütha, ukrü dzü zükümo, mi kreyo kümo, müsakümo.

³U lüshü lüzhe küdi, hüyi küho, Sali küthi, utho ukükhayi kümo, uzhoshü swüküzü, küvengo unükümo,

⁴Kümüda, midzü rünyi yo kümo, kümüko küzü Ukümünupü kükhrü ceri utho unü unyü thinyü küzümi süto,

⁵Süko kütho külü müdeva siri pü kuku shemu tato.

⁶Siküzü miri thür tate, süko dolü humi gumülü mi cilü vo thüno udo küdiko shüyi tazü-e; thüno süko küshüthi küswü küba, uko münyü lu-o hio tho uko swü püh tate,

⁷Uko mi uko kümütha dzü she sheyo vee kütho mhashe ceco voyi chekümo krozo.

⁸Tsüo Jani mu Jambri uni thadzü Moses ngomu küta kümhai hiko ri küthoo ngomu yo; thüma süko uko xceco shüte, mu uko kümlü ceco ri kütho mote.

⁹Vee süko sa küzü prayiho; kükrelamori hini kümha süko künyo ri mi mütü po sheyi zoto küzüla,

¹⁰Siri noe I mi kümütha dzü, azho, amüdo, a kümülü, alü sügüsühe küzü, I mi kükhrü, I sügü pü tha küyi,

¹¹Mipo a müthi müni küzü mu Antiok, Ikonia mu Lystra lü ayo phe küzüko kümha I kümüzhe küzüko sadzi thiyite, I kümüzhe küzü süko hüyite, mu süko mütüko lü Nepoo a küla yite.

¹²Süsü kümhai Khrista Jisu ceco kütho lüno hü kün khp mi u müthi müni züto.

¹³Vee thüma kürüzhü mu mi swü she küzhomi miswü mu miri uswü sino shü mamatato.

¹⁴Vee no popüh n müka küsüko mu shetü kütako thimu züzo bayite; kükrelamori no sopüh celü dzü sük sheyi süh, küzü sheba ta küzüla.

¹⁵Sizomori non natsi lü kümüsa lüsiko she yite. Khrista Jisu celü küpa kümülüo la süko tho thüdo thasü n müka no npo küla küyi ngoyi küve thiyiyo.

¹⁶Kütholüsi-e mütü Jihova celü haphra püh pa zo, mu süo kümütha la, mi tahi tarho kütola, mithi nve kütola mu mi küchü püh kütho ceco süyi kütola risa mu mi dzüve lazo,

¹⁷Sino kümünupü thüma po vet süyi no mhatho küve thiyi küshü thomi thiyiyo.