Read Chokri Naga TITUS 2 Bible Online

TITUS 2 - Chokri Naga bible

TITUS 2

¹Vele no thezho keve zhüko pote.

²Pethimiko rhorhüte, meshishü, pemetü mete, thegigü krokrü kemelü keve, miva phise, sügü sühe,

³Theno pethi ketako sübite, mesati zhokomi mejo nyükemo, hezo kranyü ba kemo, mhakeve kemetha kethimi.

⁴Side theno natsiko (relimiko) methapü rhorhü, unopune khrü, uneko khrüti;

⁵Metsümetse, uzho matho, ukrouce khimeve keyive mu unopu füzüthi, side Jihova jü thimerho va kemo;

⁶Khresamiko sheri sübi rhorhü ti metha süte;

⁷M mhametükolü nekhapü mhakeve kethilü thaka thisüte, thezho keve thi merho va kemo, metüte, mu sürhü sürho tilü.

⁸U jüpojüli kevepo, mipo thalice va kemo, size kemoko ketherü ketasa thenga thitayo, mhakesu mipo n yo pota kemo.

⁹Mi thekü kethiko tarhopü ukopo u niepomiko jüzü thi yite, mu mhametükolü ukonü kethi, thi meve kesü, mu umezi pota kemo.

¹⁰U be pü mha rego kevatahiri, vele mhakeve metülü melüyi keve thisüte, side uko thezho kevekhi bemene keyila therüo uko kelakeyio zhoreleko thitsosü ketola.

¹¹Kekrelamori kekhrü ngokemezhe uko kelakeyio khapü thüma metüko mengo süte.

¹²U methakesü mesakemo kehü, cejülü menyüko, khava de uko metsümetse, kemezi, kemesa zho, hiko khiyi cejülü kehüce.

¹³Thejo kepü kemeri Therü kezhoo, u kelakeyi Jisu Khrista zapozazle thi lavori ketoce.

¹⁴Pü pükhapü uko tsüsü, pü uko mesakemo metülü uko rhayi, uthi kemesa pü thüma uhü kekre kropü, mhatho kevelü ulüni phite.

¹⁵Mhahiko khipo, tarho, lekhu keku metü khide, mi püpori nkhapü mhapüri kemo thiva hite.