Read Chokri Naga PHILEMON 1 Bible Online

PHILEMON 1 - Chokri Naga bible

PHILEMON 1

¹Khrista Jisu jü küthio Paul m Timothy ni lesi thopü uzüo Philemon u khrüo m küzü yitho thi kübako,

²Mo u lipü Apphia m Archippus Khrista thipaheo m n celü kühuyi yo küti kühuo ce küsü,

³Ngokümüzhie n yo mo kezü keve Therü uko Po yo celü küvori ma Niepo Jisu Khrista.

⁴I a küchoko lü n rüle pü pono a Jihova kümüzapo sü bayozo,

⁵Seküyi no Niepo Jisu ceco mo kümüsako metüko ceco ri n kükhrü mo n kümülü ba küti la,

⁶Mi zü n kümülü küzakütilü, uma küne thiyi küto no mipo uko lü küba Khrista Jisu küve metüko setü küyi lü zoto.

⁷Size-e ha n kükhrü la hanü phaho ba, mo ha lüri luyi kükrelamori, a sazüo no kümüsako mülü thi merhüsala küyi la.

⁸Süla I Khrista celaco thepushu-e no n po thiküzüko küpfü kha n tsüsüyi vezo,

⁹Siri hunehu kükhrüo la, m I Paul, I tsate m süsa ri tsü Khrista Jisu la thejü thi kütala, n ce a müzhe mülo kütsü a nü kute.

¹⁰I thejü thikütace münu küyio a nu natsio Onesimus la n ce a müzhe mülo yo

¹¹Pü thajü tülü n po püla küka sü te, vele tsü n lari mo a lari kümüve bate

¹²I pü kütsü sala sü ze: süla No pü züyite, süo a mülüo zo:

¹³I pü khapüma zü banyü ba, thejücielü kübace püpo jüyiküve lü a khrühi küto la.

¹⁴Vele n medo samo de I mha püri thi ho, m pon medo thi mode n kemu thi pü mhapü ri thiho.

¹⁵Size-e pü dopü ce n therü kütsü hio no küchothe püzü tata keto la;

¹⁶Tsüzono n cetao mori n cetao pi n sazü n khrüo bahori a ceco müpfü vele themo-o cecori mo Nyepoo cecori didü pü n zü kümüno pfü tato sü?

¹⁷Mhace no a pü n besüo le phri yo süze, n nü de a züyi yoti bi, a bizo no püzü yite.

¹⁸Mhace pü n yo thizü kümo thiva mori n po püzü li mha süze, a zalü khasü müzüte;

¹⁹I Paul a tho a bepü hihi tho süho, a tho shuva to; no n pho zori a zhü bita zo, vele I süo poho.

²⁰Küthozo, a sazüo, Nyepoo celaco a po n la a nü tate; n Nyepoo la a mülü thi merhü sala süte.

²¹No jüzü thi küta mülütü zono, I hihi tho n ce süyo, mo I n ce po kütsü piri no thiyi küto I seba.

²²Vele süzokümo, süsari a kübathi küsü pü mütate: kükrelamori, I mülütü küba, neko küchola, a khala pü neko cesü va mütse.

²³Epaphras, a zü Khrista Jisu la thejü thikütao n külü süho,

²⁴A zü yitho thikübako Mark, Aristarchus, Demas, Luke uko metü ri sa.

²⁵U Nyepo Khrista Jisu celü küprari ngokümüzheo po neko rüpü zü ba küyio thite. Amen.