Read Chokri Naga HENREWKO 1 Bible Online

HENREWKO 1 - Chokri Naga bible

HENREWKO 1

¹Thajü pütü mu mhaco kekrekre tilü sajukepoko celü upotsa neko ce mha povori.

²Pütü thüla hilü pü Nu mhametülü kalüo püpo cejü thi kesüo.

³Pü vekrü ti zapozale mu thümahü püyo thapü mesemengo kesü; mu püjü kekulü mhametü tüsüpü keba, pü ukephomako kerhupha kesüce side kekuthoo bo püza laco bata, kerekrü thilü.

⁴Tüyochoyimiko ceri veku shuzo ti pü thisü, pü kalü ngo keyi theza verekri kuzo uko metü ceri.

⁵Pü dipüce tülüchoyiko ce, “No A Nu, tha I n menu süte, ‘siziti posü me?’ Mu süsari ‘I püpo thito, mu pü a Nu thito,’ size süme”?

⁶Süpi sheri pü menu pü cejülü kesüce, pü po kesü, “Jihova choyiko po pü reshüte.”

⁷Pü tüyochoyiko ce poti, pü tülüchoyiko thipü rüpüko thive, mu pü yithoko khipü meli keto thi süte.

⁸Vele Nuo la po kesü, “N kedeba, O Jihova, sü kechothe tato; mu n kede keku jü (mohor) kemezi sü n kede keku kene jü (mohor) zo.”

⁹No kemezi nnü, mu kerho phi metsü, süla Niepoo poti, “n Rüo kenü tirü khipü n kezümiko pi (mho) n kenhüsüho.”

¹⁰Niepoo, no, shudülü cejü mejudüsü, mu tüko n be mhathozo.

¹¹Uko rütato, vele no tasü zoto; mu uko metü fümene bi ra tato:

¹²No süko thode vato, füne thsü kezhi kevabi vele no kemhabi sü tazoto, mu n tütseko lata ho.

¹³Vele pü dipü nha (dipütülü) tüyochoyiko ce, “no abo azalaco bate, I n ngomuko khipü n phezho thiva kemothe,” siti po?

¹⁴Uko choyi kethi rüpüko ketsüpü kelakeyi yitholü kalü kethiko thisü mome?