Read Chokri Naga HENREWKO 2 Bible Online

HENREWKO 2 - Chokri Naga bible

HENREWKO 2

¹Süla uko se keyi sükolü utütso thiku ti mesüzo, motisa mhasüko ucelü rezü di tato tila.

²Kekrelamori tüyochoyimi jüpo mhace thi ketho tayo lize mu vajo ketako jüzü thimo ketala sazho püzhokhro ngoyi ta lize;

³Dipü bi de u therayi ta, mhace kelakeyi zho mhakezho u rekra mota lize; süo theralü Niepoo posü, mu süko thipü umesemengo sü ketala.

⁴Jihova süko zhopo zo, zasiko mu ungomhathoko, ketekhri kethi dolüni mu Kemesa Rüpü mhaphrüko pütho pü medolü.

⁵Kekrelamori uko kepoketa cejü hisa laco vori keto khipü tüyochoyomiko khrikhro süva tole zi mo.

⁶Vele thethi pülü mipü zhopo kha zhopo süo, “thüma sü dipüle no pü rele lüzo ba? Mori thümanu no püpe zo taya?”

⁷No pü thipü tüyochoyiko ce kedopü renuku sü, no zapozale mu thechu therho pü pü kedepira thisü, mu pü khapü nbe mhathoko pisü.

⁸“No mha metü khipü pü phekhro lü süte, süla mhametü pükhro tazo, mhapüri püphekhro sü mota mozo, vele tsühi uko pü khro ba keta süko metü ngo tsomo.”

⁹Vele uko Jisu ngo, pü thipü tüyochoyiko ce renuku zasü kekrelamori püpo kesalü kemezhe tila; süosü püpo Jihova kekhrü methu kha kesü thüma mipüpü la püpokesa metha.

¹⁰Kekrelamori süosü püzo, püyo mhametü ba, püyo mhametü prari, thüma nuko zapozale khasü, kelakeyi vetsü tsoti krüta (thipahe kezhoo) po kemezhe kesülü.

¹¹Kekrelamori kenani pü thi kemesa kesüko mu mesakeyiko sheri metü püzo (pümpü) kekrelamori süo püpo uko cüpü sazüjüra le size keto pü menga tamo.

¹²Pü poti, I nza halapü a sazüjürako ce süto, I kehuce metsulü n kechu tsale thisü to.

¹³Süsari I a kemelü pü n yo süto, hihe, I mu a nuneko Jihova kha atsü kesüko.

¹⁴Süsa natsimiko uthi uza thi kepüko, pü sheri süko bi uthi uza thipü; sa kesülü pü kesa meni sü ketola, kesa keku süo therükesu-o zo.

¹⁵Uko kerhüthe kesa mpe tipo uko pha liro pü ta sülü uko süphra pü pra sü.

¹⁶Kekrelamori pü tülüchoyiko kehüzho rele sümo, vele pü Abraham nuneko zho sü.

¹⁷Sübide pü mhametülü püthipü pü sazüjüra biyi, miphikemezhe, kemelü kene, thevo kekrekrüo thi, Jihova ceco mhatho kolü, thüma kephomako lü vetho thila kesülü.

¹⁸Kekrelamori pütho zori dophilü kemezhe, pü dophi süko lü mikhrühi yi ve bate.