Read Chokri Naga HENREWKO 3 Bible Online

HENREWKO 3 - Chokri Naga bible

HENREWKO 3

¹Süla kemesa asazüjürako, tülü phremi thi tole cüyi ketako, apostle mu thevo kerekrüo Jisu Khrista rele lüsü phite.

²Pü jüthozo pü keda kesüo yo, Moses sheri pü cekro yo jütho zo kesü bi.

³Kekrelamori thüma hio Moses ceri zapozale thi züku zo ceo ce sheri cethi kesüo therho neku tibi.

⁴Kekrelamori ce kehopüri thüma mipü po thiyo, vele mhametü thi kesüo sü Jihova zo.

⁵Mu Moses pü cekro yo jütho süzo, mithekümi, pübi, zhopo hiko hisalaco sheri kepota zoto.

⁶Vele Khrista cekrolü nupü bi, puce sü ukozo, mhace ukemelü püyo sü tüpü ta lize mu u kemeri sülü thela ketso rechü unüvo lize.

⁷Süo Kemesa Rüpü po kesü, “tha neko mhace püfü reni to lize.”

⁸“Ne melü rüta hite, pü lüda thivamo, rayhothilü keta tüce medokephi lü lü keta.”

⁹“Ne potsa neko a medophi süte, umedephite, mu uko tetse heda mhatho ngo.”

¹⁰Süce nuhü süo alüzhe thisü, mu poti, “uko melü retse to thisü tayo; mu uko acho semo.”

¹¹Süla a lekhulü reshu kesü, “uko po a kerelü thethilü lü lho.”

¹²A züneko, menuyi te, mo lize neko humi melülü melükemo mha kesu ba tari sendi mo, side rhü keta Jihova therü tata tomo.

¹³Vele tüsonha hunehu tarho bazote, tha sizi kebahi; molize neko humi nelü thi merüpü kephoma kemeda (shuketse) tilü lü tari se homo.

¹⁴Kekrelamori uko thipü Khrista phremi thi süte, mhace shudülü ukemelü thametü zovo thela ketso bayi tisa.

¹⁵Neko mhace tha püfü reniyi to lize thajü pü lüda mesü keva bita hite; ne melü thi merü kesülü.

¹⁶Kekrelamori humi püfü sesü pü lüda mesü süyo, siri Egypt lü Moses po zü taprari tiko metümo.

¹⁷Vele tetse heda pü lüzhe thi kesüko, uko kephoma thi kesüko mome? Süko kesamo rayholü retu ketako mome?

¹⁸Thüma süko po pü kerelü thethilü lümo keta reshu kevako, vele uko melü mu ketako zo.

¹⁹Süla uko se mu ngo keba uko melümo ketala talü mote.