Read Chokri Naga HENREWKO 5 Bible Online

HENREWKO 5 - Chokri Naga bible

HENREWKO 5

¹Kekrelamori thevo kerekrüo thüma dolü keda mekre pü Jihova mhatho kethila rütho mu kephoma reshü kha kesüko thümala thisü yo.

²Pü moti matumi yo pü kekhrü kene mu cho vajo ketako la sheri, pütho pula sheri vetsü tso kemola, nkethathi püyo ba tibi.

³Püco pula hibi tila, thümako la sheri mu pütho pula sheri kephomako reshü thisüyo.

⁴Mu thüma pü sheri therho hio khiyi tamo, vele süo khipü Jihova tsüyo, Aaron thi kesübi.

⁵Süla Khrista sheri pütho pü khipü zapozale kethilü sü vamo, pethi kezhoo (thevo kerekrüo) Kethilü; vele püpo kesü, “No a nu, tha I n menusü.”

⁶Thethi kekre pülü sheri posa kesü, “No thevo mipü, Melchizedec biti, kechothe la.”

⁷Jisu püthi püpho thipü keta ce pü kechothi mu pü mezhemelo, pü mhüjü kri zode krasefü de kesalü pü kelasüno, pü mpe ketace pü füse mu reni süyo.

⁸Pü Nuo zo sheri jüzü thisü mhatholü kemezhe.

⁹Mu pü thipü vetsütso sü, pü kechothe la kelakeyi kekuo püfü zü keyi koyo, metüko.

¹⁰Jihova pü cüpü “thevo kerekrüo” Melchizedec zho rele biti.

¹¹Püla mhakekro po keto ba, mu pula potsoyi kelho, neko kerenilü medu (melo) tila.

¹²Kekrelamori neko kemethami thi keta mesü neko mipo neko metha zoba keta Jihova jü kerace kepoko; jükemetü mori nojü jü kemenü, ketico (themu) mori natsimi co.

¹³Kekrelamori nojü nokebako kemezilü natsimi bi mhathiyi semo bayo; pü payhomi zo tila.

¹⁴Vele ukehüzho pethi ketakola ketico kemetü püco süo sü ketako kevekesu se kekre tayo, mu thi mu zü vo ta yo.