Read Chokri Naga HENREWKO 8 Bible Online

HENREWKO 8 - Chokri Naga bible

HENREWKO 8

¹Hice uko kepo keba hiohi metü rhükesa kesüo zo, uko thevo kerekrü püba, pü tüyo kekuthoo kedeba püza (pübo püza) laco bate.

²Kereshübalü choyithi, kereshüce kethoo thebe pü thi kemo, Niepoo tho thikesüo.

³Kekrelamori thevo kezhoo kehopüri püpo rütho khasü ketola pü kedasü, süla thümo hio püpo thisü moze kesu rütho ne.

⁴Kekrelamori mhaceno pü cejülü thüma lize, pü thevo thilho, thevomiko rütho khakesü thezho püba.

⁵Thaka kesü tüyo pükhri püzo Jihova (Jihova) Moses mese kesü, pü jüfüce methüsü toli kezü tülü, pete side posü, “cejütuyo pühüko thapü n meka kesübi no metüko tsübi thi süte” zisü.

⁶Vele tsühi yitho ve rekriku püpo ngoyite, jükho veku keta thedolü vetho pü thisü jü phrapü kemeta veku tio yo thi kesü.

⁷Mhace jükho therao kekriti di lize, süsasü kenao phusamo sheri ve.

⁸Kekrelamori kekri keba ngoyi ketala, püpo kesü, “hihe, pü tüpü vori züho, Niepoo posü I jükho kesapü Isreal cekro züde kefükho tato, mu Judah cekro sheri.

⁹Thajü jükho I uko potsaneko zü thikesü, I uko Egypt cejülü kebace uko bece püpra kesü tülü kethi jükhoo kemo, kekrepü, kekrelamori uko jükho süo zü tamo ketala mu I uko saphrita mote,” Niepoo poyo.

¹⁰Kekrelamori I jükho hiohi pütü hisalü Isreal cekro zü thi tato; Niepoo poyo, I a thezhoko khapü u kelülü sü tato mu uko melü kolü thosü tato; mu I thüma Rüo thito mu uko ala thüma kropü thi tato (athüma thitato).

¹¹Mu uko usüzanumi metha mo tato, mu thümako sheri utho usazüjürako methamo tato, po kesü Niepoo seyite, kekrelamori uko metü ase ketala, kenithoo tavo kezhothoo ketso.

¹²Kekrelamori I uko mezikemoko phimezhe phisü tato, mu uko kephomako, uko mesa kemo kejokemuko I rekra samo tato.

¹³Pü sülü po kesü, jükho kesapü, pü thera thi kevü süve; tsühi süo cereta mu dita keto kerede süte.