Read Chokri Naga PETER KÜRAO 5 Bible Online

PETER KÜRAO 5 - Chokri Naga bible

PETER KÜRAO 5

¹Mehimiko neko dülü kebako, I sheri pethi mehi thi ketabi tarho sü züho, Khrista kemezhe kesü I kengomi mu pü hisa laco zapozale thivori ketolü püzü keza keto püzo.

²Jihova kro neko dolü kebako vathi süte, süko pe mu rasüte, moze kesulü hite, vele unü umedo kethilü te, mhakemeho kemenyülü hite, vele umelülü kerede püketalü.

³Mo sheri Jihova kalü zhü pi kenyepo ta hite, vele kro süko la thaka kethipü thisüte.

⁴Teko kefü kemeleo mi mhüngo thi vori ketoce neko zapozale pira rata kemopü ngoyi to.

⁵Sübi ne natsimiko ne khapü pethi mehimiko khro süyite, Ile, neko metü hunehu khrikhro ta yite, mu hü menünu khi beyite, kekrelamori Jihova kemeko ketimi gü vayo, mu kekhrü kene khapü thelü kemenüko tsü süyo.

⁶Süla neko Jihova keku be khrolü nekehü renu tate, silize pü pütü tülü nethi kerekrü süyi ve tila.

⁷Ne tsakhu metü khapü püyo süvate, kekrelamori pü netekhrü tayo tila.

⁸Rhorhü tate, mhara menu tate, kekrelamori neko metsuketao therü kesuo losha kerü thi, taphe mu phe thide tüti keto phu tayo tila.

⁹Pü kemelü zü ketü tayo, neko sazüjürako kejülü kebako yo kemethi kha kesü se kebala.

¹⁰Vele Jihova ngokemezhelü uko cüpü kechothe zapozale kethilü sü keyi Khrista Jisu yolü; süo salü dopü neko kemezhe, neko thi meve tsosü ketola, neko kha shusü, thi kemetüsü, mu nekopo krokrü keyi thisü.

¹¹Püyo zapozale, mu keku kede kethi kechothe ba keyi thite, Amen.

¹²Silvanus, kemelü kene neko sazüo yo, akelüce I lesitho mejüsü, tarho sü, mu zhopo thi kesü hiohi Jihova ngokemezhe kethozo, neko tha kebao.

¹³Kehu Babylon lü kebao, neko kezü keda keyio neko kelü süzü ho; mu anu Marcus sheri sa.

¹⁴Kelü kesü neko mhakha mitsü kesü kekhrü pü hunehu mebosü te, kezükeve po neko dolü bayite Khrista Jisu yota ketako metü, Amen.