Read Chokri Naga JOHN KÜNAO 1 Bible Online

JOHN KÜNAO 1 - Chokri Naga bible

JOHN KÜNAO 1

¹Pethi-o no khapüh küdaküyi thünopü mu pü mu neko ce I küthoo lü nieko khrüyo mu alübi mo. Siri küthoo sheyo küzho mütü risa.

²Kükrelamori küthoo ulüba mu küchothe uzütato.

³Ukümünupü u poo celü mu Jisu Khrista Upo-o nu celü ngo kümüzhie, thülü kümünü mu küzüküveyo po küthoo mu kükhrüo po uzü bayite.

⁴Upo-o celü dzü ngoküyi bino I n nuneko humi küthoo lü ba küti ngono anüriba.

⁵Mu tsü I nce choyo thünopü, I dzü küsa thopüh ntsü totiyomo siri u süculü ngoyi küta bino hunehu khrüzo yi khe si küti-ozo.

⁶Mu hibino kükhrü u pu dzü khaküsüo müdzuyi moyoküshü, u süculü sheyiküta mu müdzu vo küto kükhrü-ozo.

⁷Siyo kütsimüshüyo küzho kükro cezülü vorite, süko Jisu Khrista uthi upholü hüvoriti po phrayomo. Süo no mi kütsimüshüyo küzho Khrista ngomu-ozo.

⁸Nie mhathothi küyiko müdi va tiyo mori zhokhro ngotsühyi kütola nie tho nie pe süte.

⁹Kühopühri Khrista kümüthadzü yolü bamono süchü pa tayo, süo ukümünupü pu zhümo, siri sopühno pu kümüthadzü lü bayi süri Poo mu Nuo unie thüma süo zhü thite.

¹⁰Humi kümüthadzü süo püh mono mce vori zori pupo n celü lühi sitiyo mori külü ri hite.

¹¹Sopühno hibi tiko züyi süri puri süo zü mhatho küshü küthi hilü unie kümhazo.

¹²Mhakükro thopüh niekotsü kütoba siri I lesi mu lesidzü nie süh ti cieri I a tho mhotsu no vori nieko zü kürüthi tayo unü tsüh zo küto lü bate.

¹³Küdaküyi n sazüpü nuneko ri n külü süho.