Read Chokri Naga JOHN SÜO 1 Bible Online

JOHN SÜO 1 - Chokri Naga bible

JOHN SÜO 1

¹Mehimi thopü pükhrümi Gaius cekesü, I pükhrü ketho kethio.

²Kekhrüo, A kemenyü mha metü pi pra meve keba mu sürho keba, mu nkerhüro sheri kepra kemeve thi kebala.

³Kekrelamori I nüde rechü phiba, Usazüjürako kevori ce uko kepolü ketho n yo ba, mu no ketho lüta kebala.

⁴I anuneko ketholü ketace anüku tiba samo, I süo se kesüce.

⁵Akhrüo no kemelü mhakehopü lü sheri thipü usazüjürako yo kesü, mu sekemo koyo sheri.

⁶Kehuce mhüjülü nzhokeve zhopo kethi kola, uko revülü no mhace kemesazho thipü ukoyo sü lize no vezo tole.

⁷Kekrelamori uko püzao lano Gentile (judakemoko) mice mhapüri pümo zode uko tavo zü ketala.

⁸Uko süla sübi tiko zü keyi mesüzo, mu ketholü kekhrühi keta ukromiko tila.

⁹I lesi thopü kehulü süte, vele Diotrephes uko dolü kemetho thinyüsa tade hako züyi mote.

¹⁰Süla mhace I tavori lize I pü dipü thisü sheri I pü mhatho rekra süto, pü jüpo pü hako merha (cethisü), jükesu pü hako metsu; püzü ketü mozori, mori pü usazüjürako sheri mesomu te, mu süko züyi, mesoyi ketoko sheri kha (vakha) side uko kehucelü hu meta ve.

¹¹Kekhrümiko, mhakesu kethiko sameji hite, vele mhakeve mejite; pü mha keve kethi sü Jihova celü vori, vele pü mhakesu kethio sü Jihova ngomo.

¹²Demetrius thüma metü pü kevezhopo thiba, mu süo kethozo, ile, hako sheri süo kepo theju se bate, mu neko seba vele hako zhopo kethozo. I mhakekro thosü ketoba,

¹³vele I Pen (lesi kethosü) mu Ink (püjü) lü thopü neko ce sümo tato.

¹⁴Vele akelüce mecho bamode nekozü kengo tato, mu uko kezüngo de mha kepo tato, kezükeve (krokrü) tipo neko züba keyi thite, uzüko neko kelü süho, ukhrethomiko zacü zode kelü süte.