Read Chokri Naga MÜNGOKESÜ 1 Bible Online

MÜNGOKESÜ 1 - Chokri Naga bible

MÜNGOKESÜ 1

¹Jisu Khrista jü kehalapü mese mengo kesü Jihova pü pütsü kesü, mhathi vori ze ta ketoko pü yithomiko meka kesü; pü tüyochoyimi ketsü pü zasi thipü pü choyi kethio John cesü.

²Pü Jihova jüko züketako, Jisu Khrista zhopo m pü kehüko mu mhathoko ri se m ngo.

³Pütü tso ba ketala somi no sajü jü hiko phri mu thi m zü yo sheli thejo kepütho.

⁴John Asia lü kehu thünako ce kesü; ngokemezhe po neyo ba keyi thite, thelü kemenü (kereyi) khakesüo thajüri ketao, tsüdori ketao, mu hisa ri vori ketoo; Rüpü thünako pü kedeba mhüjü lü tha;

⁵Jisu Khrista khakesü kemelü kene zhopo, kesami dolü rhüla kesü kerathoo, cejülü kedemiko nuo, pü uko khrüde püzapü ukephomako khrü kemesa kesüo.

⁶Mu uko thipü kedemi, m pethi kezho (thevo) thi pü püpo Jihova tsü; püpo zapozale kede thikeyi thite. Amen.

⁷Hihe, pü kemhüyo vori; themhü metüko pü ngoto, mu zerenyü pü pürhü kesüko ri pü ngoto; kede kekre ketsü cejülü nu metüko pü ngoto, m püla uko lü shü phito. Sizoto, Amen.

⁸I Thüra-o mu thülao (Alpha mu Omega) Niepoo side poyo-voketa-o, tsü kebao mu vori ketoo zo, kepfüthoo.

⁹I, John neko sazüjürao, kemezhe ketsü kroko, Jisu Khrista kedela kemezhe tsü hü keyiko, I, Patmos cejü rethitso kemolü ba, Jihova jü la mu Jisu Khrista zhopola.

¹⁰Niepoo zhonha Rüpü a yo vorita de a saco füphra thecü fü meto kesübi tsü se tsü.

¹¹Pode, I Alpha mu Omega kerao mu kekhao No mha kedipü ngo sheli thopü kehu thünako ce süte Asia lü; Ephesus, Smyrha, Pergamum, Thyatira, Sardis, Philadelphia, mu Lodicea koce.

¹²I regü sü pfüphra süo pe süri, süna meto sü thüna bode ngoyi.

¹³M suna meto thünako dolü thüma ru bi mipü ba, füne püpheziketso, suna chepha pü püvapha.

¹⁴Püpi m püpitha thümakemega bi, kropü makre kekro bi; pümhü ni meto keba meli bi;

¹⁵M püphezi pitol kemeva bi, süko melü thü keba meva bi; m pü füphra jükekro fü bi.

¹⁶M pübe lü uzaco thenyü thüna ba; pü talü zecho lucohico uyi keve bi ta pa ta: pü pepü meshümedü nace pü pü rütso thi.

¹⁷M I püngo kesüce kesami bi retu tsüta pü phece. M pübe uzaco pü a jüde ace poti, meprü he; I therao mu kekhao:

¹⁸I rhüketao, save; m hihe, I rhüsüta ketao kechothe, Amen; meza m kesa cabi I pü ba.

¹⁹N kengoko thoyite, tsü mha kebako, m hisa mha vori ketoko.

²⁰Ketekhri ketsü thenyü thena abe azaco ba no ngo ketsüko m suna meto sü thüna. Thenyü thünako tüyochoyimi kehu thünako: suna meto thünako no ngo süko kehu thünako.