Read Chokri Naga MÜNGOKESÜ 12 Bible Online

MÜNGOKESÜ 12 - Chokri Naga bible

MÜNGOKESÜ 12

¹Tüyo mha ungo keti pari; thenomipü nace pü pü keretso, khri pü phe khroba, thenyü kerikena pü pükede pira thi;

²Thenopü nunu vathi la kratha, menu ketola.

³Mhakekre ungo kethi la pari; hihe fükera kemere kezho pü, püyo upi thüna mu püka keri, kedepira thüna püta.

⁴Püme pü tüyo thenyü zasüzapü püva, süko retu cejü tsüta; fükera sü thenopü mhüjü lü tha, thenopü pünu menu süo tüti ketola.

⁵Thenopü thepu nu pü menusü, thegi keku süde kederünako kekha ketola; pü nu zü tüyo khota Jihova kede balü.

⁶Thenopü ta rayho thi lü vota, Jihova püla thethi kesüpü kemüta, sülü tüsozho nyepü krakena m (heshurü) 1260 pü va thito.

⁷Tüyo theri thita; Michael mu pü jüyimiko fü kerao zü theri thi; fükera ri uko zü theri thi püjüyimi sade.

⁸Mipüri kuyi mo, veli tüyo uko thethi ngo samota.

⁹Fükera kezhoo hu va, tenhi pethio püza therükesüo, Satan, cejü metü shu ketse ketao; pü hupü cejü süva, pü choyimiko kesa huva.

¹⁰I tüyo mhafü kerekrü pü seri, poti, tsüo kelakeyi, mu keku, uko Rüo kede, pü kemeco, Khrista zhü; uko sazüjürako mejo ketayo hu ketuve, tüso tüzü metü lü uko mejo ketao.

¹¹M uko tekonu zalü kuyite, uko jü zhopo lüko; uko kesa ketso ukehü khrü mozo.

¹²Süla tüyo kehümiko, neko nüyite, lüzhe cejü lü kehümiko mu jülü kehümiko, therü kesüo nekoce kirite, pü lü kereda pü de, kekrelamori pü se keti pütü do pü zo tila.

¹³Fükera pü hupü cejü sü keva ngotila thenopü thepu menu kesüo meshu ta (methi menita)

¹⁴Yode bide usi kena pü thenopü tsüsü, pü po prü rayho lü vota ketola, püthilü pütühu püva thi batato, pütüpü, m pütü ketüpü, tenhi mhüjü bato.

¹⁵Tenhi talü jüde bi pü thenopüva, jüde po pü zu pü tata keto la.

¹⁶Cejü thenopü khrühi de püta mekusü jüde mezo yita, fükera püta meku kesüo.

¹⁷Fükera thenopü yo pülü redata, de pünu shu nuyekoyo mehakeyiko zü theri thita, Jihova jü kha kesü kezükoyo, m Jisu Khrista zhopoko yo.