Read Chokri Naga MÜNGOKESÜ 14 Bible Online

MÜNGOKESÜ 14 - Chokri Naga bible

MÜNGOKESÜ 14

¹Hihe, I pesüri Tekonupü Zion cejütuyo tha, m püzü kethako mi 144000, pü Poza thopü uko tükhayo ta.

²Tüyo mhafü püse, jükekro fübi, tüsüfü kemüto pübi; libü “harp” kepüko tsale thi keba fübi.

³Kedebao mhüjülü tsale kesafü bi uko, cheleba, khonu dako mhüjülü, pethi mehiko mhüjülü, thüma püri tsale süo seyi ho, uko mi 144000 kozo kemosa, uko cejü lü rhayi ketako.

⁴Thüma hiko thenomi po uko merho va kemoko uko reli phosako, hiko tekonu kevoko lü vo ketsüko. Hiko thema dolü rhayi ketako, hiko Jihova mu tekonu rase kerathoko.

⁵Uko talü mhakesu bako, uko Niepoo kedaba mhüjülü kekriketi ba mo.

⁶Tüyo choyimipü tümetsulü prüta dengo, cejülü kehümiko ce jüyikeve pü po to li ta; kede shuye metü, cejü kenemetü, m thüma kro kekre tsü metü.

⁷Sede poti, “Jihova meprü yite, de zapozale püpütsüte; pü bavüdo mishe keti ketosü vorite, tüthi kesü te, cejü ri, jükezhori, mu jüri metüko thisü.”

⁸Süsü mejude tüyo choyimipü poti, Babylon retute, retute, rüna nadeo sü, kekrelamori shuye kede metüpo pü keregü kerezhü zokra de tekhu püte.

⁹Tüyo choyimi süo sü meji de pometo ti, thüma kehopüri khonu reshü pümarhe rifünu mu pütükhalü mori ubo lüri zasi khoko keto kepümi.

¹⁰Thüma sümi Jihova lekhu hezo krato, süo la pü ngokemetsü thi kesü, mepü pümethito, tüyochoyi kemesako mhüjülü melü metsa, m Tekonu mhüjülüri.

¹¹Mekho süo kechothe methimeni bata: uko, sülü tüso tüzü kerelü dita, somi khonuo mu pü marha resu sheli, somi süo zasi uyo thpü sheli.

¹²Hice, kemesamiko sügüsühe bata: uko Jihova khakesüko zü m Jisu yo kemelü khi bata.

¹³Tüyo mhafüpü sevori acepoti, “Niepoo zalü saketako tha yovino rukotho:” sia, Rüpü poyo, “uko mhathokolü relü ta to, uko mhathoko uko meji ta to.”

¹⁴I pesüri, hihe, kemhü kemegapü thüma Nu süyo tade ngo, püpiyo suna kede pira pita m pübelü zefü püta.

¹⁵Tüyochoyimi kekrepü kereshücelü paride ngo de kemhü yo kebao ce pode, Zefünu pü rü süte nbelükeba-o: n po rüyi keto pütü vorite: cejü rüyi keto mü bate.

¹⁶M kemhülü kebao pü zefüne khi cejüo rüsü, cejü side rüyita.

¹⁷Tüyochoyimi kekrepü tüyo kereshücelü pari, püri zefüne khita.

¹⁸Tüyochoyimi kekrepü tüyo kereshücelü pari me pi pü kekuba; püfüphra meto de zefünu kepüo cepoti, n zefünu pü cejü khubü se müba ketao thsu (chu) rüsüte, khubü seko müte.

¹⁹Tüyochoyio pü zefüne pü cejüo rüyita, side cejü khubüseko kenguyi, de kehüpü Jihova lekhu tsada ketolü süva.

²⁰Khubüse tsadapü hezo kethi bi nade khü co uko tsada va, siri hezo kethobü thüza krü parita, gura ta kepha ketso thü khorita, furlong nyepü de krashurü ketso thüvata (1600).