Read Chokri Naga MÜNGOKESÜ 20 Bible Online

MÜNGOKESÜ 20 - Chokri Naga bible

MÜNGOKESÜ 20

¹Tüyochoyimi pü kiri zü I ngo, u thüla kedi kece ce cabi m ropha kezhopü pübelü ta

²Fükera tüpü phava, püza tenhi, therü kerüo, Satan, tütse nye pü ro pü bata.

³Pü kehüpü u thülakedi kececelü süva, de khapü mbata, de mohor vüva, püposhuyeko kedo sa moketola, tütse nye pü tsoo kemothe; süsa pütü dopü pü hesüto.

⁴I kedeba kekrongo, thüma sükoyo kebako ri, uko ne keti sü; thüma Jisu la mipo upi dothü kevako rüpü, therü jüla, m khonu marhe reshü kemoko, mori uko tükhayo püzasi thopü kemeko, ubeyori; uko Jisu Khrista züde tütse nye pü kedethi hü to.

⁵Veli kesami kekreko tütse nye pü tsoi kemothe rhü sala mo. Hihi, rhülakesü kerao.

⁶Rhülakesü kerao lü uza kemenemi rukutho; sümikoyo kesa kenao ukeku bamote, veli uko Jihova m Khrista pethi kezhoko (thevoko) thi ta to, uko püzü tütse nyepü kede thi ta to.

⁷Tütse nyepü tso ketasa Satan he sütato, pü thejü celü no.

⁸Pü cejü zada zapü lü vode shuyeko kedo to, Gog & Magog (Russia & Aermong) de uko züvo kengu süde theri thi keto la; phri phai kho thito, tüsünyo bi.

⁹Uko cejü methi ketso vo, de kemesako hu lüyita, kenü nadeo risa; me tülü Jihova celü kiri de süko thüva.

¹⁰Therükesuo mikedoketo-o kehüpü meza lü m metsathi lü süva, khonuo ri m kemeda saju kepoo risa de tüso tüzü kechothe methi menita.

¹¹I kedeba kezho kemega pü ngo m süyo keba mao ri; uko keba thi ri ngosamota.

¹²Kesamiko kezhomiri ketsümiri Jihova mhüjü lü tha; lesidako hasü, lesida kekrepüri sa ho sü, hio kerhü lesi; kesamiko ne keti tsü thopü meta, uko mhatho khücethide.

¹³Jü kezhori kesami pülü ketako kha süva, kesao ri m mezari thüma sade sülü ketako khasü va; uko mi pü pü de umhatho khü cesü thi uko jünyo cosü.

¹⁴Kesao m meza ni kehü pü mezalü sü va; hio kesa kenao.

¹⁵Thüma kehopüri kerhü lesida lü uza ngoyi kemokhü kehüpü mezalü süva.