Read Chokri Naga MÜNGOKESÜ 4 Bible Online

MÜNGOKESÜ 4 - Chokri Naga bible

MÜNGOKESÜ 4

¹Hisa I pe süri, hihe, cekha pü tüyo khri mba: Thefüpü seri thecü kefü fü bide acepo; Hice pheri te, hisa vori ketoko pü n mhüngo thi süto.

²Mu sizisü metha I rüpü lü bata; m hihe, tüyo kedeba pü ba, mipü süyo ba.

³Mu püngopü ketsü umakerü (jasper mu carnelian) ko bi; füsü pü kedeba whipü tha, pükhüko ketsü uma kerü (emerald) bi. ‘Mehimi 24 ko’

⁴Kedeba khüko theba 24 ba, mu theba 24 kolü mehimi 24 baba, füne kemengakhi; uko pio kede pira suna pü ba.

⁵M kedebao yo no tüsü metha kri ketsü füphra prari; metobü thüna kedebao mhüjü lü ba; Jihova rüpüko.

⁶M kedeba mhü jülü khriva kezhopüba ketsüthü gabi; kedeba metsulü mu pü kewhiko khonu da umhü ujüco usaco metu tsü.

⁷Khonu kerao losha bi, khonu kenao metho nu bi, khonu süo thüma zü bi, m khonu dao yode prükezü bi.

⁸M khonu dako usi shurürüba; tüso tüzü relü yomo, de pochele tsü, mesa, mesa, mesa, Niepo. Jihova kekuo voketa, tsüdo, hisa vori ketoo.

⁹Khonuko thethsu therho, zapozale, m kemeza khasü, kedebayo kebao, hüketa kechothe kedeo tsüsü.

¹⁰Pethi mehi 24 ko züre tsü kedebayo kebao reshü ta, kechothe rhüketao reshüta, uko kedepirako thüpü kedeba mhüjülü sü de

¹¹Poti, Niepoo, no kraküyio, thethsu therho, keku ngokezüo: mhatüko nothi kesüla, n medo nnüko tsüriba mo no thisü.