Read Chokri Naga MÜNGOKESÜ 5 Bible Online

MÜNGOKESÜ 5 - Chokri Naga bible

MÜNGOKESÜ 5

¹Kedebayo kebao püzaco lesida pü lüri m püsaco ri tho pü mba mohor pü tsü thüna pü mba I ngo.

²M tüyochoyimi kepfü jüpo meto shüde po, sopü lesidao lha süba, mu mohorko phrü sü ketola.

³Tükhro thüma püri dita, a jüyoridi, m ajü khroridi.

⁴M I kra shüta, kekrelamoli mipüri lesida süo phrü keshü dita mori süo peyi keve bamota.

⁵Mehiko mipü acepode, krahite, kekrelamori Jewmi Losha, David me, phrü keve thiyite; lesida süo mu mohor kevü thünako pha phü sü va to.

⁶M I Mhango tsü, hihe, kedeba metsulü, khonu dako dolü, mehi 24 ko dolü teko pü dokhri kevabi, uka thüna umhü thena, Jihova Rüpü thenako ketsü cejü metülü süva.

⁷M pü ta süde phe kedebayo kebao be püzaco lesidao püyi.

⁸Pü lesidao pü süri pethihi mi 24 ko zürü tsü teko nuo kelüta, lilü (harp) pü m süna khu urükethenyü kethsu thitsü kemesami kecho.

⁹M uko tsale kesa thita, uco, no lesida hayi kezüo zo, lesida m mohor phrü keshü-o kekrelamori n dokhri va hako kelapü therao tsükesüla uza pü shuye metü, ujü kekreti metü, thema kro kekre keti, shuye kekreti metü;

¹⁰M hako thipü Jihova belü kedemi, pethi kezho, thevomi thi sü, mhako cejülüde ta to.

¹¹M I ngoketsü, tüyochoyimi kedebayo kebako, khonuko m pethimehiko; phri süri, nye keri, va nye keri, nye ketsü nye kekro.

¹²Se mutode poti, rhokezü-o teko dokhrikevao keku pü ketolü cene, mhase, kemeco, thürho, zapozale, m thejo.

¹³Mu khunu tülü ketako, cetako, cejülü ketako, cejü khroketako, m jülü ketako mu sülü ketako metü, I se tsü zapozale, keku, kedebayo kebao po püte mu tekonuo yo kechothe.

¹⁴M khonu 4 ko pode, Amen sizite. Pethi mehimi 24 ko zürütsü kechothe rhü ketao reshüta.