Read Chol Genesis 8 Bible Online

Genesis 8 - Chol bible

Genesis 8

¹Dios tsi' ña'ta Noé yic'ot pejtelel bʌte'el yic'ot pejtelel alʌc'ʌl am bʌ ti barco. Tsi' choco tilel ic'. Tsa' caji ti sajp'el jini ja'.

²Tsa' tijq'ui ti ajñel jini cuxul bʌ ja' am bʌ ti tam bʌ i yajñib. Tsa' lajmi jini ja'lel tsa' bʌ yajli ti panchan.

³C'unte' tsa' sajp'i ja'. Sʌp'ʌlix jini ja' che' bʌ tsa' ñumi lujump'ejl i waxʌcc'al (150) q'uin. Tsa' c'ʌcle barco ti wits i c'aba' Ararat.

⁵Tsa' chʌn sajp'i jubel ja'. Che' ti lujump'ejlel uw ti ñaxan bʌ tsic, tsa' tsictiyi i jol tac wits.

⁶Che' bʌ tsa' ñumi cha'c'al q'uin, Noé tsi' jamʌ jini ventana tsa' bʌ i mele ti barco.

⁷Tsi' choco majlel x'ac'xi'. Tsa' wejli majlel. Tsa' wejli ñumel jinto tsa' tiqui jini lum.

⁸Tsi' choco majlel x'ujcuts cha'an mi' ña'tan mi sʌp'ʌlix ja'.

⁹Jini x'ujcuts ma'anic tsi' taja i t'uchlib. Tsa' sujti ti barco come anto ja' ti pejtelel pañimil. Noé tsi' loc'sa i c'ʌb. Tsi' cha' ch'ʌmʌ ochel ti barco.

¹⁰Tsa' to i pijta yambʌ wucp'ejl q'uin. Tsi' cha' choco loq'uel x'ujcuts ti barco.

¹¹Che' iq'uix tsa' cha' c'oti x'ujcuts. Awilan, an i yopol olivote' ti' ñi' tsa' bʌ i ñip ch'ʌmʌ c'otel. Jini cha'an Noé tsi' ña'ta sʌp'ʌlix ja' ti lum.

¹²Tsi' cha' pijta yambʌ wucp'ejl q'uin. Tsi' cha' choco loq'uel x'ujcuts. Ma'anix tsa' chʌn c'oti.

¹³Che' ti lujunc'al i cha'bajc' yic'ot jump'ejl (601) i jabil, che' ti ñaxan bʌ uw, ti ñaxan bʌ tsic, tiquinix jini lum. Noé tsi' jambe i jol barco. Tsi' q'uele lum. Awilan, tiquinix.

¹⁴Che' ti cha'p'ejlel uw, ti wucp'ejl i cha'c'al tsic tiquinix jini lum.

¹⁵Dios tsi' sube Noé: Loq'uenla ti barco, jatet yic'ot a wijñam yic'ot a walobilob yic'ot i yijñamob a walobilob.

¹⁷Wets'ex loq'uel pejtelel cuxul tac bʌ ya' bʌ an a wic'ot, jini mut yic'ot bʌte'el yic'ot pejtel jʌlʌcña bʌ mi' majlel ti lum. La' pujquic majlel ti pejtelel lum. La' cha' p'ojlic, che'en.

¹⁸Jini cha'an Noé tsa' loq'ui majlel yic'ot winic bʌ i yalobilob yic'ot i yijñam yic'ot i yijñamob i yalobilob.

¹⁹Pejtelel bʌte'el yic'ot pejtelel jʌlʌcña bʌ mi' majlel ti lum, yic'ot pejtelel mut, yic'ot yan tac bʌ mu' bʌ ti xʌmbal ti pañimil, tsa' loq'ui tac ti barco ti jujunchajp.

²⁰Noé tsi' melbe i pulʌntib i majtan lac Yum. Tsi' yajca sʌc bʌ alʌc'ʌl yic'ot sʌc bʌ mut ti jujunchajp. Tsi' yʌq'ue Dios pulbil bʌ i majtan ya' ti pulʌntib.

²¹Che' bʌ tsi' yubi lac Yum jini xojocña bʌ i yujts'il tsi' yʌlʌ ti' pusic'al: Ma'anix mi caj c cha' jisan jini lum cha'an i mul winicob che' bajche' tsac mele, anquese jontol chuqui mi' ña'tañob ti' pusic'al c'ʌlʌ che' ch'iton to. Ma'anix mi caj c chʌn tsʌnsan pejtelel cuxul tac bʌ che' bajche' tsac jisa.

²²Che' woli ti jalijel pañimil mux i chʌn tilel i yorajlel pac' yic'ot c'ajbal, yic'ot tsʌñal yic'ot ticwal, yic'ot jajmel yic'ot ja'al, yic'ot q'uiñil yic'ot ac'ʌlel, che'en.