Read Chol 1 Reyob 4 Bible Online

1 Reyob 4 - Chol bible

1 Reyob 4

¹Jini rey Salomón tsa' caji i cha'len yumʌl ti pejtelel i lumal. Jiñʌch i c'aba'ob jini año' bʌ i ye'tel ti' tojlel: Azarías (i yalobil Sadoc) jiñʌch ñuc bʌ motomaj. Elihoref yic'ot Ahías (i yalobilob Sisa) jiñobʌch sts'ijbayajob. Josafat (i yalobil Ahilud) jiñʌch xcʌntaya jun. Benaía (i yalobil Joiada) jiñʌch ñuc bʌ i yum soldadojob. Sadoc yic'ot Abiatar, jiñobʌch motomajob. Azarías (i yalobil Natán) i yaj coltaya Salomón. Zabud (i yalobil Natán) jiñʌch i motomaj rey, i yamigo ja'el. Ahisar, jiñʌch xq'uel e'tel ti' yotot jini rey. Adoniram (i yalobil Abda) jiñʌch am bʌ ti' wenta cha'an mi' q'uel e'tel ti bij tac yic'ot ti otot tac cha'an gobierno.

⁷An ti' wenta lajchʌntiquil año' bʌ i ye'tel cha'an mi' c'ajtiñob tilel i bʌl i ñʌc' jini rey ti' tojlel jujunmojt israelob. Tsa' t'oxbentiyob i ye'tel jini lajchʌntiquilob. Ti jujunmojt israelob an ti' wenta cha'an mi' we'sañob jini rey jump'ejl uw ti jujump'ejl jab.

⁸Jini lajchʌntiquilob jiñobʌch i c'aba': I yalobil Hur, an i ye'tel ti' tojlel jini año' bʌ ti wits Efraín. I yalobil Decar, ti' tojlel jini año' bʌ ti Macaz, yic'ot ti Saalbim, yic'ot ti Betsemes, yic'ot ti Elón, yic'ot ti Bethanán. I yalobil Hesed, ti' tojlel jini año' bʌ ti Arubot, yic'ot ti Soco, yic'ot ti' pejtelel i lumal Hefer. I yalobil Abinadab (tsa' bʌ i cha'le ñujpuñel yic'ot Tafat i yalobil Salomón), ti' tojlel jini año' bʌ ti' lumal Dor. Baana (i yalobil Ahilud), ti' tojlel jini año' bʌ ti Taanac, yic'ot Meguido, yic'ot pejtel Betseán lʌc'ʌl bʌ ti Saretán, am bʌ ti' yentʌlal Jezreel, yic'ot pejtel i lumal Betseán c'ʌlʌl ti Abelmehola c'ʌlʌl ti Jocmeam. I yalobil Geber, ti' tojlel jini año' bʌ ti Ramot am bʌ ti Galaad, yic'ot i tejclum tac Jair (i yalobil Manasés) ya' ti Galaad, yic'ot i lumal Argob am bʌ ti Basán. An uxc'al tejclum joy ts'ajquibil bʌ, an tac bʌ colem bʌ tranca melbil bʌ ti bronce. Ahinadab (i yalobil Iddo) an i ye'tel ti' tojlel jini año' bʌ ti Mahanaim. Ahimaas, tsa' bʌ i ch(...)

²⁰Ti ili ora cabʌlob jini winicob x'ixicob ti Israel yic'ot ti Judá. Cabʌl i chubʌ'an ja'el. Wen tijicñayob jax.

²¹Jini rey Salomón tsi' cha'le yumʌl c'ʌlʌl ti' colem ja' i c'aba' Eufrates, c'ʌlʌl ba' jaxʌl i lumal filisteojob, c'ʌlʌl ba' jaxʌl i lumal egiptojob. Che' ja'el jini mach bʌ israelobic tsi' yumayob Salomón ti pejtelel ili lum. Tsi' yʌc'ʌyob i tojoñel ti' tojlel Salomón, anquese mach israelobic. Tsi' melbeyob i ye'tel c'ʌlʌl jinto tsa' chʌmi.

²²Jini i bʌl ñʌc'ʌl tsa' bʌ i c'uxuyob ti' yotot Salomón ti jujump'ejl q'uin jiñʌch: lujunc'al (200) ti cujch trigo chʌmen bʌ juch'bil, jumbajc' ti cujch trigo ques bʌ juch'bil,

²³lujuncojt jujp'em bʌ wacax, junc'al anto bʌ ti potrero, jo'c'al tiñʌme', yic'ot chijmay, yic'ot me', yic'ot gacela, yic'ot mut tac.

²⁴Salomón tsi' cha'le yumʌl ti pejtelel i lumal am bʌ ti' tojel jini Eufrates ja' ba' mi' bʌjlel q'uin c'ʌlʌl ti Tifsa, c'ʌlʌl ti Gaza. Ñʌch'ʌl i lumal, ma'anic guerra.

²⁵Che' cuxul to Salomón wen xuc'ul tsa' ajniyob jini año' bʌ ti Israel yic'ot ti Judá c'ʌlʌl ti Dan, c'ʌlʌl ti Beerseba. Ti jujump'ejl xchumtʌl wen an i yotot yic'ot i pʌc'ʌb.

²⁶An i cha'an cha'c'al mil caballo mu' bʌ i tujc'an majlel carreta. An lajchʌmp'ejl mil (12,000) xñijca carretajob.

²⁷Ti jujump'ejl uw jini año' bʌ i ye'tel ti jujunmojt israelob tsi' yʌq'ueyob i bʌl i ñʌc' Salomón yic'ot i pi'ʌlob. Tsi' yʌq'ueyob i buc'bal i caballo ja'el.

²⁹Dios tsi' yʌq'ue i ña'tʌbal yic'ot i p'ip'lel i pusic'al Salomón. Tsi' wen ña'ta pañimil Salomón. Wen cabʌl i pusic'al.

³⁰Ñumen an i ña'tʌbal bajche' pejtel yambʌ winicob ya' ti' pasibal q'uin yic'ot ti Egipto.

³¹Ñumen an i ña'tʌbal che' bajche' Etán jini ezra, yic'ot Hemán, yic'ot Calcol, yic'ot Darda (i yalobilob Mahol). Pam cʌmbil i ña'tʌbal ti pejtelel pañimil.

³²Salomón tsi' ts'ijba uxp'ejl mil ch'o'ch'oc bʌ t'an ñuc bʌ i sujmlel, yic'ot jump'ejl mil c'ay yic'ot jo'p'ejl i ñumel.

³³Tsi' wen ña'ta bajche' an ti pañimil pejtel cuxul tac bʌ, jini bʌte'el, yic'ot te'lemut, yic'ot lucum, yic'ot chʌy, yic'ot te', jini colem ch'ujte' am bʌ ti Líbano, yic'ot ja'el pejtel ch'o'ch'oc tac bʌ che' bajche' jini hisopo mu' bʌ i ñot colel ti pam xajlel.

³⁴Ti pejtelel pañimil jini reyob yic'ot i winicob tsa' c'otiyob cha'an mi' yubibeñob i t'an Salomón cha'an cabʌl i ña'tʌbal.