Read Chol 1 Cronicas 1 Bible Online

1 Cronicas 1 - Chol bible

1 Cronicas 1

¹Jiñobʌch winicob tsa' bʌ ajniyob ti cajibal pañimil: Adán, Set, Enós, Cainán, Mahalaleel, Jared, Enoc, Matusalén, Lamec, Noé, Sem, Cam, Jafet.

⁵Jini ch'iton bʌ i yalobilob Jafet jiñobʌch: Gomer, Magog, Madai, Javán, Tubal, Mesec, Tiras. Jini ch'iton bʌ i yalobilob Gomer: Askenaz, Rifat, Togarma. Jini ch'iton bʌ i yalobilob Javán: Elisa, Tarsis, Quitim, Dodanim.

⁸Jini ch'iton bʌ i yalobilob Cam: Cus, Mizraim, Fut, Canaán.

⁹Jini ch'iton bʌ i yalobilob Cus: Seba, Havila, Sabta, Raama, Sabteca. Jini ch'iton bʌ i yalobilob Raama: Seba yic'ot Dedán.

¹⁰Yambʌ i yalobil Cus jiñʌch Nimrod tsa' bʌ wen q'uejli ti ñuc ti pañimil.

¹¹I p'olbalob Mizraim jiñobʌch: Jini ludimob, jini anamimob, jini lehabimob, jini naftuhimob, jini patrusimob, jini caftorimob jini casluhimob. Jini casluhimob jiñobʌch i ñojte'elob jini filisteojob.

¹³Jini ch'iton bʌ i yalobilob Canaán jiñobʌch Sidón jini ascuñʌl bʌ yic'ot Het. Canaán jiñʌch i ñojte'el ja'el jini jebuseojob, jini amorreojob, jini gergeseojob, jini heveojob, jini araceojob, jini sineojob, jini arvadeojob, jini zemareojob, yic'ot jini hamateojob.

¹⁷Jini ch'iton bʌ i yalobilob Sem jiñobʌch: Elam, Asur, Arfaxad, Lud, Aram, Uz, Hul, Geter, Mesec.

¹⁸I yalobil Arfaxad jiñʌch Sela. I yalobil Sela jiñʌch Heber.

¹⁹An cha'tiquil ch'iton bʌ i yalobilob Heber, Peleg yic'ot Joctán. An i sujmlel i c'aba' Peleg, t'oxbil, come tsa' t'oxleyob winicob x'ixicob año' bʌ ti pañimil ti t'an tac che' cuxul to Peleg.

²⁰Jini ch'iton bʌ i yalobilob Joctán jiñobʌch Almodad, Selef, Hazarmavet, Jera, Adoram, Uzal, Dicla, Ebal, Abimael, Seba, Ofir, Havila, Jobab.

²⁴I yalobil Sem jiñʌch Arfaxad. I yalobil Arfaxad jiñʌch Sela. I yalobil Sela jiñʌch Heber. I yalobil Heber jiñʌch Peleg. I yalobil Peleg jiñʌch Reu. I yalobil Reu jiñʌch Serug. I yalobil Serug jiñʌch Nacor. I yalobil Nacor jiñʌch Taré. I yalobil Taré jiñʌch Abram (ti wi'il tsa' otsʌbenti i c'aba' Abraham).

²⁸I yalobilob Abraham jiñobʌch Isaac yic'ot Ismael. I yalobilob Ismael jiñobʌch: Nebaiot jini ascuñʌl bʌ, yic'ot Cedar, Adbeel, Mibsam, Misma, Duma, Massa, Hadad, Tema, Jetur, Nafis, Cedema.

³²Che' ja'el Cetura, i yixic Abraham, tsi' yʌc'ʌ ti pañimil: Zimram, Jocsán, Medán, Madián, Isbac, Súa. Jini ch'iton bʌ i yalobilob Jocsán jiñobʌch Seba yic'ot Dedán.

³³Jini ch'iton bʌ i yalobilob Madián jiñobʌch: Efa, Efer, Hanoc, Abida, Elda. Ti pejtelel iliyi jiñoch i yalobilob Cetura jini i yixic Abraham.

³⁴I yalobil Abraham jiñʌch Isaac. An cha'tiquil ch'iton bʌ i yalobilob Isaac, Esaú yic'ot Israel.

³⁵Jini ch'iton bʌ i yalobilob Esaú jiñobʌch Elifaz, Reuel, Jeús, Jaalam, Coré.

³⁶Jini ch'iton bʌ i yalobilob Elifaz jiñobʌch Temán, Omar, Zefo, Gatam, Cenaz, Timna, Amalec.

³⁷Jini ch'iton bʌ i yalobilob Reuel jiñobʌch Nahat, Zera, Sama, Miza.

³⁸An yambʌ ch'iton bʌ i yalobilob Esaú: Lotán, Sobal, Zibeón, Aná, Disón, Ezer, Disán. An xch'oc bʌ i yalobil Esaú jiñʌch Timna. Jini ch'iton bʌ i yalobilob Lotán jiñobʌch Hori yic'ot Homam.

⁴⁰Jini ch'iton bʌ i yalobilob Sobal jiñobʌch Alván, Manahat, Ebal, Sefo, Onam. Jini ch'iton bʌ i yalobilob Zibeón jiñobʌch Aja yic'ot Aná.

⁴¹Jini ch'iton bʌ i yalobil Aná jiñʌch Disón. Jini ch'iton bʌ i yalobilob Disón jiñobʌch Amram, Esbán, Itrán, Querán.

⁴²Jini ch'iton bʌ i yalobilob Ezer jiñobʌch Bilhán, Zaaván, Jaacán. Jini ch'iton bʌ i yalobilob Disán jiñobʌch Uz yic'ot Arán.

⁴³Jini reyob tsa' bʌ i cha'leyob i yumʌntel ya' ti Edom che' maxto anic rey ti Israel jiñobʌch Bela i yalobil Beor tsa' bʌ chumle ti tejclum i c'aba' Dinaba.

⁴⁴Che' chʌmenix Bela, tsa' caji ti yumʌntel Jobab i yalobil Zera, ch'oyol bʌ ti Bosra.

⁴⁵Che' chʌmenix Jobab, tsa' caji ti yumʌntel jini Husam, ch'oyol ba'an temañob.

⁴⁶Che' chʌmenix Husam, tsa' caji ti yumintel Hadad (i yalobil Bedad) jini tsa' bʌ i jisa Madián ya' ti' lumal Moab. Hadad tsa' caji ti yumʌntel ti tejclum i c'aba' Avit.

⁴⁷Che' chʌmenix Hadad, tsa' caji ti yumintel Samla ch'oyol bʌ ti Masreca.

⁴⁸Che' chʌmenix Samla, tsa' caji ti yumintel Saúl ch'oyol bʌ ti Rehobot am bʌ ti' t'ejl jini colem ja' i c'aba' Eufrates.

⁴⁹Che' chʌmenix Saúl, tsa' caji ti yumʌntel Baalhanán (i yalobil Acbor).

⁵⁰Che' chʌmenix Baalhanán, tsa' caji ti yumintel Hadad ya' ti tejclum i c'aba' Pai. I c'aba' i yijñam jiñʌch Mehetabel xch'oc bʌ i yalobil Matred, i yalobil bʌ Mezaab.

⁵¹Che' bʌ tsa' chʌmi Hadad, jiñobʌch reyob año' bʌ ti Edom: Timna, Alva, Jetet, Aholibama, Ela, Pinón, Cenaz, Temán, Mibzar, Magdiel, Iram.