Read Chol 1 Cronicas 2 Bible Online

1 Cronicas 2 - Chol bible

1 Cronicas 2

¹Jiñobʌch ch'iton bʌ i yalobilob Israel: Rubén, Simeón, Leví, Judá, Isacar, Zabulón, Dan, José, Benjamín, Neftalí, Gad, Aser.

³An uxtiquil ch'iton bʌ i yalobilob i yijñam Judá, i c'aba' Batsúa ch'oyol bʌ ti Canaán: Er, Onán, yic'ot Sela. Er jiñʌch ñoj ñaxan bʌ i yalobil Judá. Jontol jax ili winic ti' wut lac Yum. Jini cha'an tsi' tsʌnsa.

⁴Judá tsi' pi'le Tamar i yʌ'lib. Tsi' yʌc'ʌ ti pañimil Fares yic'ot Zera. An jo'tiquil ch'iton bʌ i yalobilob Judá ti pejtelel.

⁵Jini ch'iton bʌ i yalobilob Fares jiñobʌch Hezrón yic'ot Hamul.

⁶I yalobilob Zera jiñobʌch Zimri, Etán, Hemán, Calcol, Dara.

⁷I yalobil Carmi, jiñʌch Acán. Jiñʌch tsa' bʌ i tic'la israelob, come tsi' xujch'ibe i chubʌ'an Dios. Cabʌl tsi' tic'layob israelob.

⁸Azarías jiñʌch i yalobil Etán.

⁹Jini ch'iton bʌ i yalobilob Hezrón jiñobʌch Jerameel, Ram, yic'ot Quelubai.

¹⁰Ram i tatʌch Aminadab. Aminadab i tatʌch Naasón, juntiquil yumʌl bʌ ti Judá.

¹¹Naasón i tatʌch Salmón. Salmón i tatʌch Booz.

¹²Booz i tatʌch Obed. Obed i tatʌch Isaí.

¹³Jini ascuñʌl bʌ i yalobil Isaí jiñʌch Eliab. I cha'ticlel bʌ i yalobil jiñʌch Abinadab. I yuxticlel bʌ jiñʌch Simea.

¹⁴I chʌnticlel bʌ jiñʌch Natanael. I jo'ticlel bʌ jiñʌch Radai.

¹⁵I wʌcticlel bʌ jiñʌch Ozem. I wucticlel bʌ jiñʌch David.

¹⁶An xch'oc bʌ i yalobilob ja'el, jiñobʌch Sarvia yic'ot Abigail. An uxtiquil ch'iton bʌ i yalobilob Sarvia, jiñobʌch Abisai, Joab, Asael.

¹⁷I ñoxi'al Abigail jiñʌch Jeter ch'oyol bʌ ti' lumal Ismael. Abigail tsi' yʌc'ʌ ti pañimil Amasa.

¹⁸Caleb (i yalobil Hezrón) tsi' pʌyʌ cha'tiquil i yijñam, jiñobʌch Azuba yic'ot Jeriot. I yalobilob Azuba jiñʌch Jeser, Sobab, Ardón.

¹⁹Che' bʌ chʌmenix Azuba, Caleb tsi' pʌyʌ Efrata cha'an i yijñam. Efrata tsi' yʌc'ʌ ti pañimil Hur.

²⁰Hur i tatʌch Uri. Uri i tatʌch Bezaleel.

²¹Che' anix uxc'al i jabilel Hezrón, tsi' pʌyʌ i yalobil Maquir cha'an i yijñam. Tsi' yila pañimil Segub. (Maquir i tatʌch Galaad ja'el.)

²²Segub i tatʌch Jair. Jair tsi' cha'le yumʌl ti' tojlel uxp'ejl i cha'c'al (23) tejclum tac an tac bʌ ti Galaad.

²³Pero Gesur yic'ot Aram tsi' chilbeyob Jair jini tejclum tac. Tsi' chiliyob ja'el Kenat yic'ot uxc'al colonia tac an tac bʌ ti' joytʌlel. Ti pejtelel i p'olbalob Maquir (i tat Galaad).

²⁴Che' bʌ chʌmenix Hezrón, Caleb tsi' pʌyʌ Efrata, jini cʌybil bʌ ti meba' che' bʌ tsa' chʌmi i tat Caleb. Tsi' yʌc'ʌ ti pañimil Asur. Asur i tatʌch Tecoa.

²⁵Jiñʌch ch'iton bʌ i yalobilob Jerameel jini ascuñʌl bʌ i yalobil Hezrón: Ram, Buna, Orén, Ozem, Ahías.

²⁶An yambʌ i yijñam Jerameel i c'aba' Atara. Jiñʌch i ña' Onam.

²⁷Jini ch'iton bʌ i yalobilob Ram jiñobʌch Maaz, Jamín, Equer.

²⁸Jini ch'iton bʌ i yalobilob Onam jiñobʌch Samai yic'ot Jada. Jini ch'iton bʌ i yalobilob Samai jiñobʌch Nadab yic'ot Abisur.

²⁹Jini ch'iton bʌ i yalobilob Abisur yic'ot Abihail i yijñam jiñobʌch Ahbán yic'ot Molid.

³⁰Jini ch'iton bʌ i yalobilob Nadab jiñobʌch Seled yic'ot Apaim. Seled tsa' chʌmi che' ñoj ma'anic i yalobil.

³¹Pero an i yalobil Apaim i c'aba' Isi. Isi i tatʌch Sesán. Sesán i tatʌch Ahlai.

³²An cha'tiquil i yalobilob Jada i yijts'in bʌ Samai, jiñobʌch: Jeter yic'ot Jonatán. Jeter tsa' chʌmi che' ñoj ma'anic i yalobil.

³³Pero an cha'tiquil ch'iton bʌ i yalobilob Jonatán, jiñobʌch Pelet yic'ot Zaza. I p'olbalʌch Jerameel.

³⁴Ma'anic ch'iton bʌ i yalobilob Sesán, pero an xch'oc bʌ i yalobilob. Sesán tsi' siji juntiquil xch'oc bʌ i yalobil cha'an mi' yochel ti' yijñam Jarha jini i winic ch'oyol bʌ ti Egipto. Tsi' yila pañimil i yalobil i c'aba' Atai.

³⁵

³⁶Atai i tatʌch Natán. Natán i tatʌch Zabad. Zabad i tatʌch Eflal. Eflal i tatʌch Obed. Obed i tatʌch Jehú. Jehú i tatʌch Azarías. Azarías i tatʌch Heles. Heles i tatʌch Elasa. Elasa i tatʌch Sismai. Sismai i tatʌch Salum. Salum i tatʌch Jecamías. Jecamías i tatʌch Elisama.

⁴⁰

⁴²Jini ascuñʌl bʌ i yalobil Caleb i yeran Jerameel jiñʌch Mesa. Mesa i tatʌch Zif. Zif i tatʌch Maresa. Maresa i tatʌch Hebrón.

⁴³Jini ch'iton bʌ i yalobilob Hebrón jiñobʌch Coré, Tapúa, Requem, Sema.

⁴⁴Sema i tatʌch Raham. Raham i tatʌch Jorcoam. Requem i tatʌch Samai.

⁴⁵Samai i tatʌch Maón. Maón i tatʌch Betsur.

⁴⁶Efa i yixic Caleb tsi' yʌc'ʌ ti pañimil Harán, yic'ot Mosa, yic'ot Gazez. Harán i tatʌch Gazez.

⁴⁷Jini ch'iton bʌ i yalobilob Jahdai jiñobʌch Regem, Jotam, Gesam, Pelet, Efa, Saaf.

⁴⁸An yambʌ i yixic Caleb i c'aba' Maaca. Tsi' yʌc'ʌ ti pañimil Seber, yic'ot Tirhana, yic'ot Saaf (i tat Madmana), yic'ot Seva (i tat Macbena yic'ot Gibea). An xch'oc bʌ i yalobil Caleb ja'el, i c'aba' Acsa.

⁴⁹

⁵⁰Jini ch'iton bʌ i yalobilob Hur (jini ascuñʌl bʌ i yalobil Caleb yic'ot Efrata) jiñʌch Sobal (i tat Quiriat Jearim),

⁵¹yic'ot Salma (i tat Belén), yic'ot Haref (i tat Betgader).

⁵²Jini ch'iton bʌ i yalobilob Sobal jiñobʌch Quiriat Jearim yic'ot Haroe. Jiñʌch i ñojte'el lamital jini manahetob.

⁵³I pi'ʌlob jini quiriat jearimob jiñobʌch jini itrajob, yic'ot jini futob, yic'ot jini sumatob, yic'ot jini misrajob. Jiñobʌch i ñojte'elob jini zoratob yic'ot jini estaolob.

⁵⁴I p'olbalob Salma jiñobʌch Belén i yalobil, yic'ot jini netofatob, yic'ot jini Atrot Betjoab, yic'ot ojlil jini manahetob, yic'ot jini zoratob. Jini xts'ijbayajob chumulo' bʌ ti Jabes i p'olbalʌch Salma.

⁵⁵Jiñobʌch jini tirateojob, yic'ot jini simeatejob, yic'ot jini sucateojob. Ti pejtelel jiñobʌch ceneojob i p'olbalo' bʌ Hamat. Hamat i ñojte'el ja'el i pi'ʌlob Recab.