Read Chol 1 Cronicas 24 Bible Online

1 Cronicas 24 - Chol bible

1 Cronicas 24

¹Jini motomajob (jini i p'olbalob Aarón) tsa' t'oxleyob ti cha'mojt. Tsa' aq'uentiyob i c'aba' i yalobilob, Eleazar yic'ot Itamar.

²Jini Nadab yic'ot Abiú i yalobilob Aarón ja'el pero tsa' chʌmiyob ti' tojlel i tat. Ma'añobic i yalobilob. Cojach Eleazar yic'ot Itamar tsa' caji i cha'leñob i motomajiyel.

³David tsi' laja i t'an yic'ot Sadoc i p'olbal bʌ Eleazar, yic'ot Ahimelec i p'olbal bʌ Itamar. Che' jini tsi' t'oxo i p'olbalob Aarón cha'an mi' q'uexob i bʌ ti' ye'tel Dios.

⁴Ti' tojlel i p'olbalob Eleazar ñumen cabʌl jini ñuctaco' bʌ i ye'tel che' bajche' i p'olbalob jini Itamar. Jini cha'an tsi' t'oxo ti wʌclujunmojt i p'olbalob Eleazar. Tsi' t'oxo ti waxʌcmojt i p'olbalob Itamar.

⁵Tsi' cha'leyob yajcaya ti alas cha'an mi' tajob i ye'tel ti jujunmojt, come añob ñuc taco' bʌ i ye'tel cha'an Dios ti' tojlel i p'olbalob Eleazar, yic'ot ti' tojlel i p'olbalob Itamar.

⁶Jini Semaías i yalobil bʌ leví i c'aba' Natanael, tsa' aq'uenti i ye'tel ti sts'ijbaya. Tsa' caji i chucbeñob ti jun i c'aba' jini winicob ti' tojlel jini rey yic'ot ti' tojlel jini ñuc taco' bʌ i ye'tel: jini motomaj Sadoc, Ahimelec i yalobil Abiatar, i yumob jini motomajob yic'ot jini levíjob. Cha'mojt loq'uemo' bʌ ti Eleazar yic'ot junmojt ti Itamar tsa' wa'chocontiyob ti' ye'tel.

⁷Tsi' cha'leyob yajcaya ti alas cha'an mi' yʌq'uentelob i ye'tel ti jujunmojt. I yum jini junmojt jiñʌch Joiarib, i yum jini i cha'mojtlel jiñʌch Jedaías, i yum jini i yuxmojtlel jiñʌch Harim, i yum jini i chʌnmojtlel jiñʌch Seorim, i yum jini i jo'mojtlel jiñʌch Malquías, i yum jini i wʌcmojtlel jiñʌch Mijamín, i yum jini i wucmojtlel jiñʌch Cos, i yum jini waxʌcmojtlel jiñʌch Abías, i yum jini i bolonmojtlel jiñʌch Jesúa, i yum jini i lujunmojtlel jiñʌch Secanías, i yum jini i junlujunmojtlel jiñʌch Eliasib, i yum jini i lajchʌnmojtlel jiñʌch Jaquim, i yum jini i yuxlujunmojtlel jiñʌch Hupa, i yum jini i chʌnlujunmojtlel jiñʌch Jesebeab, i yum jini i jo'lujunmojtlel jiñʌch Bilga, i yum jini i wʌclujunmojtlel jiñʌch Imer, i yum jini i wuclujunmojtlel jiñʌch Hezir, i yum jini i waxʌclujunmojtlel jiñʌch Afses, i yum jini i bolonlujunmojtlel jiñʌch Petaías, i yum jini i junc'alel ti mojt jiñʌch Hezequiel, i yum jini i jump'ejlel i cha'c'al ti mojt jiñʌch Jaquín, i yum jini i cha'p'ejlel i cha'c'al ti m(...)

¹⁹Ti jujunmojt tsi' meleyob i ye'tel ti Templo che' bajche' tsa' aq'uenti i ye'tel cha'an lac Yum i Dios Israel ti' tojlel i ñojte'el i c'aba' Aarón.

²⁰I p'olbal Leví jiñobʌch iliyi: Amram; i p'olbal Amram jiñʌch Subael. I yalobil Subael jiñʌch Jehedías.

²¹Rehabías yic'ot i pi'ʌlob. Jini ascuñʌl bʌ i yalobil Rehabías jiñʌch Isías.

²²Izhar yic'ot i pi'ʌlob, Selomot, yic'ot i p'olbal i c'aba' Jahat.

²³Jini ch'iton bʌ i yalobilob Hebrón jiñobʌch iliyi: Jerías jini ascuñʌl bʌ i yalobil, Amarías jini i cha'ticlel bʌ i yalobil, Jahaziel jini i yuxticlel bʌ i yalobil, Jecamán jini i chʌnticlel i yalobil.

²⁴I yum i pi'ʌlob Uziel jiñʌch i yalobil Uziel i c'aba' Micaía. Yambʌ yumʌlob jiñobʌch Samir yic'ot Isías i butsob Uziel, yic'ot i yalobil Isías i c'aba' Zacarías.

²⁶I yumob i pi'ʌlob Merari jiñobʌch i yalobilob i c'aba' Mahli yic'ot Musi. Beno i yalobil bʌ Jaazías jiñʌch i yum i pi'ʌlob Jaazías, yic'ot Soham, Zacur, Ibri.

²⁸I p'olbal Mahli jiñʌch Eleazar yic'ot Cis. Ma'anic ch'iton bʌ i yalobilob Eleazar. An i yalobil Cis i c'aba' Jerameel.

³⁰Jini ch'iton bʌ i yalobilob Musi jiñobʌch iliyi: Mahli, Edar, Jerimot. Jiñobʌch i p'olbalob Leví ti mojt ti mojt.

³¹Che' bajche' tsi' cha'leyob yajcaya ti alas i p'olbal Aarón, che' ja'el tsi' meleyob i p'olbal Leví cha'an mi' yʌq'uentelob i ye'tel, mi wen ñuc bʌ mi ch'och'oc bʌ. Tsi' cha'leyob yajcaya ti' tojlel jini rey David, yic'ot ti' tojlel Sadoc, yic'ot Ahimelec, yic'ot jini ñuc taco' bʌ i ye'tel ti' tojlel motomajob yic'ot levíjob.