Read Chol 1 Cronicas 3 Bible Online

1 Cronicas 3 - Chol bible

1 Cronicas 3

¹Jiñʌch i yalobilob David tsa' bʌ i yilayob pañimil ti Hebrón. Jini ñoj ñaxan bʌ i yalobil jiñʌch Amnón. I ña' jiñʌch Ahinoam jini ch'oyol bʌ ti Jezreel. Jini i cha'ticlel bʌ i yalobil David jiñʌch Daniel. I ña' jiñʌch Abigail jini ch'oyol bʌ ti Carmel.

²I yuxticlel i yalobil jiñʌch Absalón. I ña' jiñʌch Maaca i yixic'al bʌ jini Talmai rey bʌ ya' ti Gesur. I chʌnticlel i yalobil jiñʌch Adonías. I ña' jiñʌch Haquit.

³Jini i jo'ticlel i yalobil jiñʌch Sefatías. I ña' jiñʌch Abital. Jini i wʌcticlel i yalobil jiñʌch Itream. I ña' jiñʌch Egla.

⁴Ti' wʌcticlel i yalobilob tsi' yilayob pañimil ya' ti Hebrón, come ojlil waxʌcp'ejl jab tsi' cha'le i reyintel ya' ti Hebrón. Che' jini tsi' q'uexta i tejclum. Tsa' majli ti Jerusalén ba' tsi' cha'le i reyintel yambʌ uxlujump'ejl i cha'c'al (33) jab.

⁵Che' ya'ix an ti Jerusalén i yijñam David i c'aba' Betsúa (i yalobil bʌ Amiel) tsi' yʌc'ʌ ti pañimil ch'iton bʌ i yalobilob. Jiñobʌch Simea, Sobab, Natán, yic'ot Salomón.

⁶Che' ja'el an yambʌ bolontiquil i yalobilob David. Jiñobʌch Ibhar, Elisama, Elifelet, Noga, Nefeg, Jafía, Elisama, Eliada, Elifelet.

⁹An to yambʌ i yalobilob i yijñamob mach bʌ ñujpuñijemic yic'ot. Mach ochemic ti ili jun i c'aba' tac i yalobilob. An xch'oc bʌ i yalobil David ja'el. Jiñʌch Tamar.

¹⁰I p'olbalob jini rey Salomón jiñobʌch: Roboam, Abías, Asa, Josafat, Joram, Ocozías, Joás, Amasías, Azarías, Jotam, Acaz, Ezequías, Manasés, Amón, Josías.

¹⁵I yalobilob Josías jiñobʌch Johanán, Joacim, Sedequías, Salum.

¹⁶I yalobilob Joacim jiñobʌch Jeconías yic'ot Sedequías.

¹⁷I yalobilob jini rey Jeconías che' cʌntʌbil ti otot cha'an soldado jiñobʌch iliyi: Asir, Salatiel, Malquiram, Pedaías, Senazar, Jecamías, Hosama, Nedabías.

¹⁹I tat Zorobabel yic'ot Simei jiñʌch Pedaías. I yalobilob Zorobabel jiñobʌch iliyi: Mesulam, Hananías, Hasuba, Ohel, Berequías, Hasadías, Jusab Hesed, yic'ot Selomit jini xch'oc bʌ i yalobil.

²¹I yalobilob Hananías jiñobʌch Pelatías yic'ot Jesaías. I yalobil Jesaías jiñʌch Refaías. I yalobil Refaías jiñʌch Arnán. I yalobil Arnán jiñʌch Abdías. I yalobil Abdías jiñʌch Secanías. I yalobil Secanías jiñʌch Semaías. I yalobilob Semaías jiñobʌch Hatús, Igal, Barías, Nearías, Safat.

²³An uxtiquil i yalobil Nearías: Elioenai, Ezequías, Azricam.

²⁴An wuctiquil i yalobil Elioenai: Hodavías, Eliasib, Pelaías, Acub, Johanán, Dalaías, Anani.