Read Chol 1 Cronicas 9 Bible Online

1 Cronicas 9 - Chol bible

1 Cronicas 9

¹Ochem tac ti' jun i reyob Israel i c'aba' tac pejtelel i ñojte'elob jini israelob. Tsa' wersa pʌjyiyob majlel ti Babilonia jini año' bʌ ti Judá, come tsi' ch'ujutesayob dioste' tac.

²Jini tsa' bʌ ñaxan sujtiyob tilel cha'an mi' cha' cajel ti chumtʌlob ti' tejclum tac, jiñobʌch i p'olbalob Israel yic'ot jini motomajob, jini levíjob, yic'ot jini mu' bʌ i coltañob ti Templo.

³Ti wi'il lamital jini tilemo' bʌ ti Judá, Benjamín, Efraín yic'ot Manasés tsa' c'otiyob ti Jerusalén. Jiñobʌch iliyi:

⁴I pi'ʌlob Utai (i yalobil bʌ Amiud, i yalobil bʌ Omri, i yalobil bʌ Imri, i yalobil bʌ Bani) loq'uemo' bʌ ti' pi'ʌlob Fares (i yalobil bʌ Judá).

⁵Tsa' sujtiyob ja'el Asaías, jiñʌch ascuñʌl bʌ i yalobil Silón, yic'ot i yalobilob.

⁶Tsa' sujtiyob i yalobilob Zera, yic'ot Jeuel, yic'ot i pi'ʌlob. An lujunc'al i cha'bajc' yic'ot lujump'ejl i jo'c'al (690) ti pejtelel.

⁷Jini i p'olbalob Benjamín tsa' bʌ sujtiyob jiñobʌch iliyi: Salú (i yalobil bʌ Mesulam, i yalobil Hodavías, i yalobil Asenúa); Ibneías (i yalobil bʌ Jeroham); Ela (i yalobil bʌ Uzi, i yalobil Micri); Mesulam (i yalobil bʌ Sefatías, i yalobil Reuel, i yalobil Ibnías).

⁹Ili winicob i yumobʌch i pi'ʌlob ti jujunmojt. Tsa' sujtiyob jo'c'al i yuxbajc' yic'ot wʌclujump'ejl i yuxc'al (956) ti pejtelelob tilemo' bʌ ti Benjamín.

¹⁰Jini motomajob tsa' bʌ sujtiyob ja'el jiñobʌch iliyi: Jedaías, Joiarib, Jaquín, Azarías (i yalobil bʌ Hilcías, i yalobil Mesulam, i yalobil Sadoc, i yalobil Meraiot, i yalobil Ahitob). Azarías jiñʌch ñuc bʌ xcʌntaya cha'an Templo.

¹²Yambʌ motomaj tsa' bʌ sujti jiñʌch Adaía i yalobil bʌ Jeroham, i yalobil Pasur, i yalobil Malquías. Yambʌ motomaj jiñʌch Masai (i yalobil bʌ Adiel, i yalobil Jazera, i yalobil Mesulam, i yalobil Mesilemit, i yalobil Imer).

¹³Ti pejtelel jini motomajob tsa' bʌ sujtiyob jiñobʌch jo'c'al i jo'bajc' yic'ot uxc'al (1,760), wen nuco' bʌ i c'ʌjñibal winicob.

¹⁴Jini levíjob tsa' bʌ sujtiyob jiñobʌch Semaías (i yalobil bʌ Hasub, i yalobil Azricam, i yalobil Hasabías, i p'olbal bʌ Merari).

¹⁵Yambʌ levíjob tsa' bʌ sujtiyob jiñobʌch iliyi: Bacbacar, Heres, Galal, Matanías (i yalobil bʌ Micaía, i yalobil Zicri, i yalobil Asaf); Obadías (i yalobil bʌ Semaías, i yalobil Galal, i yalobil Jedutún); Berequías (i yalobil bʌ Asa, i yalobil Elcana, tsa' bʌ chumle ti' lumal netofatob).

¹⁷Jini tsa' bʌ i cʌntayob i ti' tejclum jiñobʌch iliyi: Salum (jiñʌch ñuc bʌ xcʌntaya), Acub, Talmón, Ahimán. Levíjobʌch ti pejtelel. An to ti' wenta cha'an mi' cʌntañob i ti' i yotot jini rey am bʌ ti tojel ba' mi' pasel q'uin.

¹⁹Salum jiñʌch i yalobil Coré, i yalobil Ebiasaf, i yalobil Coré. An ti' wenta Salum yic'ot i pi'ʌlob jini corejob cha'an mi' q'uelob jini majtañʌl tac ti Templo, cha'an mi' cʌntañob jini Ch'ujul bʌ Ajñibʌl, che' bajche' i ñojte'elob tsi' cʌntayob jini Tabernáculo.

²⁰Jini ñaxan bʌ yumʌl cha'an jini corejob jiñʌch Finees i yalobil bʌ Eleazar. Lac Yum an yic'ot.

²¹Ti jimbʌ ora jini xcʌnta ti' Tabernáculo jiñʌch Zacarías i yalobil Meselemías.

²²Ti jimbʌ ora an lujunc'al yic'ot lajchʌntiquil (212) xcʌnta ti' Tabernáculo. Tsa' yajcʌntiyob ti' tojlel colonia tac ba' ch'oyolob i ñojte'elob. Tsa' wa'chocontiyob i cha'an David yic'ot Samuel cha'an xuc'ulob.

²³An ti' wenta jini xcʌntayajob yic'ot i p'olbalob cha'an mi' cʌntañob jini Tabernáculo.

²⁴Tsa' aq'uentiyob i ye'tel cha'an mi' cʌntañob jini Templo ti jujunwejl ya' ba' mi' pasel q'uin, yic'ot ba' mi' bʌjlel q'uin, yic'ot ti norte, yic'ot ti sur.

²⁵I pi'ʌlob jini motomajob año' bʌ ti colonia tac mi' q'uex tacob i bʌ ya' ti e'tel ti Tabernáculo. Ti jujunmojt mi' yajñel wucp'ejl q'uin.

²⁶An chʌntiquil wen ñuc bʌ xcʌnta ti' templojob, levíjob ti pejtelel. Añob ti' wenta cha'an mi' cʌntañob jini tsalʌl tac ba' mi' wʌyelob yic'ot ba' lotbil jini e'tijibʌl tac wen uts'atax bʌ am bʌ ti' Tabernáculo Dios.

²⁷Jini ñuctaco' bʌ i ye'tel tsa' chumleyob ti lʌc'ʌl Tabernáculo. Tsi' jamʌyob i ti' jujump'ejl sʌc'ajel.

²⁸Lamital tsa' aq'uentiyob i ye'tel cha'an mi' cʌntañob jini e'tijibʌl mu' bʌ i c'ʌjñel cha'an majtañʌl yic'ot cha'an ch'ujutesaya. Tsi' tsiquiyob che' bʌ tsa' c'ʌjni jini e'tijibʌl tac.

²⁹Jini yaño' bʌ añob ti' wenta cha'an mi' cʌntañob i bʌl Templo yic'ot pejtelel am bʌ i c'ʌjñibal, che' bajche' harina, yic'ot i ya'lel ts'usub, yic'ot pom, yic'ot aceite.

³⁰Yaño' bʌ motomajob tsi' chajpayob jini pom yic'ot jini xojocña bʌ perfume.

³¹Tsa' aq'uenti ti' wenta Matatías cha'an mi' mel jini waj cha'an majtañʌl tac. Matatías jiñʌch leví, ascuñʌl bʌ i yalobil Salum jini coré.

³²An ti' wenta lamital i p'olbal Coat cha'an mi' chajpañob jini waj mu' bʌ i pʌsbentel lac Yum ti jujump'ejl semana che' i yorajlel c'aj o.

³³Jini xc'ayob levíjobʌch ti pejtelel. Tsa' chumleyob ti Templo ya' ti Jerusalén. An i ye'tel ti q'uiñil ti ac'ʌlel. Ma'anic yambʌ i ye'tel, cojach iliyi. Tsa' yajcʌntiyob loq'uel ti' yotot tac levíjob.

³⁵I yijñam Jehiel jiñʌch Maaca. Tsa' chumleyob ti Gabaón. Jini ch'iton bʌ i yalobilob jiñobʌch iliyi: Gabaón, Abdón (jini ascuñʌl bʌ), Zur, Cis, Baal, Ner, Nadab, Gedor, Ahío, Zacarías, Miclot.

³⁸Tsa' chumle Miclot ya' ti Jerusalén yic'ot i yalobil i c'aba' Simeam lʌc'ʌl ba'an i pi'ʌlob.

³⁹Ner i tatʌch Cis. Cis i tatʌch Saúl. Saúl i tatʌch Jonatán, yic'ot Malquisúa, yic'ot Abinadab, yic'ot Esbaal.

⁴⁰Jonatán jiñʌch i tat Merib Baal. Merib Baal jiñʌch i tat Micaía.

⁴¹I yalobilob Micaía jiñobʌch iliyi: Pitón, Melec, Tarea, Acaz.

⁴²Acaz jiñʌch i tat Jara. Jara jiñʌch i tat Alemet, Azmavet, Zimri. Zimri jiñʌch i tat Mosa.

⁴³I yalobilob Mosa jiñobʌch iliyi: Bina, Refaías, Elasa, Azel.

⁴⁴Jini wʌctiquil ch'iton bʌ i yalobilob Azel jiñobʌch Azricam, Bocru, Ismael, Searías, Obadías, Hanán.