Read Chol 2 Cronicas 11 Bible Online

2 Cronicas 11 - Chol bible

2 Cronicas 11

¹Che' bʌ tsa' c'oti Roboam ti Jerusalén, tsi' tempa pejtelel jini soldadojob ti Judá yic'ot ti Benjamín, bolonc'al mil (180,000) winicob yujilo' bʌ guerra. Tsajniyob ti guerra ti' contra Israel, cha'an mi' cha' pʌyob ochel ti' yumʌntel Roboam.

²Pero lac Yum tsi' pejca jini x'alt'an Semaías:

³Cucu suben Roboam (i yalobil Salomón) i rey Judá yic'ot pejtelel israelob chumulo' bʌ ti Judá yic'ot ti Benjamín:

⁴“Lac Yum tsi' yʌlʌ: Mach yomic mi la' majlel ti guerra ti' contra la' pi'ʌlob. Cha' cucuxla ti la' wotot, come joñon tsa'ix c chilbeyob jini israelob ti' wenta Roboam”. Che' yom ma' subeñob, che'en lac Yum. Jini cha'an che'ʌch tsi' mele jini x'alt'an. Tsi' laj jac'beyob i t'an che' bajche' tsi' yʌlʌ lac Yum. Tsa' cha' sujtiyob ti' yotot. Ma'anix tsa' majliyob ti guerra ti' contra Jeroboam.

⁵Roboam tsa' caji ti cha' chumtʌl ya' ti Jerusalén. Tsa' caji i wen mel i ts'ajquil cabʌl tejclum ya' ti Judá: Belén, Etam, Tecoa, Betsur, Soco, Adulam, Gat, Maresa, Zif, Adoraim, Laquis, Azeca, Zora, Ajalón yic'ot Hebrón.

¹¹Tsi' cha' wen mele ja'el jini chan bʌ ts'ajc. Tsi' wa'choco i yumob soldadojob. Tsi' tempa cabʌl i bʌl ñʌc'ʌl yic'ot vino yic'ot aceite.

¹²Ti pejtelel jini tejclum tsi' yʌc'ʌ mʌctijibʌl yic'ot lanza tac cha'an mi' p'ʌtan majlel i yumʌntel, come cojach Judá yic'ot Benjamín tsa' cʌle ti' wenta.

¹³Jini motomajob yic'ot jini levíjob año' bʌ ti Israel tsi' cʌyʌyob i lumal. Tsa' tiliyob ti chumtʌl ti Judá yic'ot ti Jerusalén, come Jeroboam tsi' chocoyob loq'uel che' bʌ tsi' chilbeyob i ye'tel.

¹⁵Jeroboam tsi' bajñel wa'choco ti motomaj majqui jach yom i mel i ye'tel ya' ti bujbujtʌl ba' tsi' yʌc'ʌ i yejtal tac xiba yic'ot i yejtal tac wacax.

¹⁶Cabʌl israelob tsa' bʌ i wen xuc'chocoyob i pusic'al yic'ot lac Yum i Dios Israel tsa' tiliyob ti Jerusalén yic'ot levíjob cha'an mi' pulbeñob i majtan lac Yum.

¹⁷Che' jini tsa' cha' p'ʌtayob jini año' bʌ ti Judá. Uxp'ejl jab tsi' coltayob Roboam (i yalobil Salomón) ti' yumʌntel, come tsa' chʌn ajniyob che' bajche' tsi' cʌntesayob David yic'ot Salomón.

¹⁸Roboam tsi' pʌyʌ cha'an i yijñam Mahalat i yalobil Jerimot (i yalobil bʌ David) yic'ot Abihail i yixic'al Eliab i (yalobil bʌ Isaí).

¹⁹Mahalat tsi' yʌq'ue uxtiquil ch'iton bʌ i yalobilob: Jeús, Semarías yic'ot Zaham.

²⁰Ti wi'il tsi' pʌyʌ Maaca (i yixic'al Absalón). Tsi' yʌq'ue ili chʌntiquilob: Abías, Atai, Ziza yic'ot Selomit.

²¹Roboam ñumen tsi' c'uxbi Maaca bajche' yaño' bʌ i yijñam. Tsi' pʌyʌ waxʌclujuntiquil (18) i yijñam yic'ot uxc'al i yixicob. Tsi' yʌc'ʌyob ti pañimil waxʌctiquil i cha'c'al (28) ch'itoñob yic'ot uxc'al xch'ocob.

²²Roboam tsi' wa'choco Abías (i yalobil Maaca) cha'an mi' cha'len mandar ti' tojlel i pi'ʌlob, come tsi' ña'ta i yotsan ti rey.

²³Tsi' pʌsʌ wen bʌ i ña'tʌbal ti' tojlel i yalobilob che' bʌ tsi' pam pucuyob ti' lumal Judá yic'ot ti Benjamín. Tsi' t'oxbeyob i ye'tel. Tsi' wen coltayob yic'ot cabʌl i chubʌ'an. Tsi' sajcʌbeyob i yijñam ti jujuntiquil.