Read Chol Esdras 10 Bible Online

Esdras 10 - Chol bible

Esdras 10

¹Che' woli ti oración jini Esdras, pʌcʌl ti lum woli ti uq'uel. Woli' tsictesʌbeñob i mul israelob ya' ti' tojel i Templo Dios. Tsi' tempayob tilel i bʌ cabʌl israelob ti' joytʌlel Esdras, winicob, x'ixicob yic'ot alʌlob. Ti' pejtelelob woliyob ti uq'uel.

²Secanías (i yalobil Jehiel loq'uem bʌ ti' pi'ʌlob Elam) tsi' sube Esdras: Tsa'ix c cha'le lojon mulil ti' contra Dios, come tsa'ix c pʌyʌ lojon cha'an quijñam jini xch'ocob ch'oyolo' bʌ ti yambʌ tejclum tac. Anquese che'ʌch tsac mele lojon pero anto i pijtaya Israel.

³La' cʌc' lojon c t'an ti' tojlel Dios cha'an mic choc lojon loq'uel jini x'ixicob yic'ot i yalobilob cha'an mic mel lojon che' bajche' tsi' cʌntesayon lojon lac Yum. Che'ʌch mi' yʌlob ja'el pejtel mu' bʌ i bʌc'ñañob Dios. Mux c mel lojon che' bajche' ts'ijbubil ti mandar.

⁴Ch'ojyen. P'ʌtesan a bʌ. An ti a wenta cha'an ma' pʌsbeñon lojon bajche' yom mic mel lojon. Mi caj c jac'beñet lojon, che'en Secanías.

⁵Tsa' wa'le Esdras. Tsi' subeyob i yumob motomajob yic'ot i yumob levíjob yic'ot pejtelel israelob cha'an mi' chocob loq'uel jini x'ixicob che' bajche' tsi' yʌlʌ Secanías. Tsi' laj jac'ʌyob.

⁶Esdras tsa' loq'ui ti Templo. Tsa' majli ti' tsalʌl Johanán (i yalobil Eliasib), pero ma'anic chuqui tsi' c'uxu, ma'anic chuqui tsi' japʌ. Come wen cabʌl i ch'ijiyemal i pusic'al cha'an ti' caj i mulob jini tsa' bʌ sujtiyob tilel ti' lumal.

⁷Tsi' choco ti pʌyol pejtel jini chumulo' bʌ ti Judá yic'ot ti Jerusalén. Tsi' subeyob cha'an mi' tempañob i bʌ ya' ti Jerusalén pejtelel israelob, i yalobilob jini tsajniyo' bʌ ti cʌjchel. An ti' wenta jini año' bʌ i ye'tel cha'an mi' chilbeñob i chubʌ'an jini mach bʌ anic mi' c'otelob ti uxp'ejl q'uin. Mi caj i chocob loq'uel ti Templo ja'el.

⁹Che' ti yuxp'ejlel q'uin, che' ti 5 de diciembre, tsi' tempayob i bʌ ya' ti' tojel jini Templo ti Jerusalén pejtelel jini winicob año' bʌ ti Judá yic'ot ti Benjamín. Tsiltsilñayob bʌq'uen yic'ot cha'an cabʌl ja'lel.

¹⁰Jini motomaj Esdras tsi' subeyob: Tsa'ix la' cha'le mulil, come tsa'ix la' pʌyʌ la' wijñam ch'oyolo' bʌ ti yambʌ lum. Tsa'ix la' p'ojlesʌbe i mul Israel ti' wut Dios.

¹¹Suben la' mul lac Yum, i Dios lac ñojte'elob. Melela che' bajche' yom Dios. Tʌts'ʌ la' bʌ ti' tojlel jini ch'oyolo' bʌ ti yambʌ tejclum tac. Chocola loq'uel jini x'ixicob parte bʌ i lumal. Che' tsi' yʌlʌ Esdras.

¹²Ti' pejtelelob tsi' jac'ʌyob ti c'am bʌ t'an: Mu' cu caj c mel lojon che' bajche' wola' wʌl.

¹³Pero wen bajc'ʌlon lojon. Mach jasʌlic jump'ejl cha'p'ejl q'uin cha'an mi' yujtel ili e'tel. Woli ja'al. Mach mejlix c chʌn ajñel lojon ti jumpat.

¹⁴La' wa'choconticob año' bʌ i ye'tel ti jujump'ejl tejclum cha'an mi' melon lojon quic'ot pejtel tsa' bʌ i pʌyʌyob jini x'ixicob ch'oyolo' bʌ ti yambʌ lum. La' i wʌn subob i yorajlel che' mi caj i yujtel jini meloñel tic tojlel lojon. Che' jini mi caj i lajmel i mich'ajel Dios tic tojlel lojon, che'ob.

¹⁵Cojach Jonatán (i yalobil Asael) yic'ot Jahazías (i yalobil Ticva) mach yomic i jac'ob. Mesulam yic'ot jini leví Sabe tsi' xiq'uiyob.

¹⁶I colojbal israelob, i yalobilob jini tsajniyo' bʌ ti cʌjchel, tsi' meleyob chuqui toj. Jini motomaj Esdras tsi' wa'choco año' bʌ i ye'tel ti' tojlel israelob ti mojt ti mojt. Laj i p'olbalob i yalobilob Israel. Tsi' techeyob i ye'tel che' ti 15 de diciembre. Tsa' ujti jini e'tel che' ti 15 de marzo. Jini motomajob tsa' bʌ i pʌyʌyob i yijñam ti yambʌ tejclum tac tsi' yʌc'ʌyob i t'an cha'an mi' cha' sujtelob. Tsi' ch'ʌmʌyob tilel tat tiñʌme' tac. Tsi' yʌq'ueyob lac Yum che' bajche' yom cha'an mi' ñusʌbentelob i mul. I yalobilob Jesúa (i yalobil bʌ Josadac): Maasías, Eliezer, Jarib, Gedalías.

²⁰I yalobilob Imer: Hanani, Zebadías.

²¹I yalobilob Harim: Maasías, Elías, Semaías, Jehiel, Uzías.

²²I yalobilob Pasur: Elioenai, Maasías, Ismael, Natanael, Jozabad, Elasa.

²³Jini levíjob año' bʌ i mul: Jozabad, Simei, Kelaía (Kelita), Petaías, Judá, Eliezer.

²⁴Jini yujil bʌ c'ay: Eliasib. Jini xcʌntati' ototob: Salum, Telem, Uri.

²⁵Jini yaño' bʌ israelob año' bʌ i mul jiñobʌch: I pi'ʌlob Paros: Ramía, Jezías, Malquías, Mijamín, Eleazar, Malquías, Benaía.

²⁶I pi'ʌlob Elam: Matanías, Zacarías, Jehiel, Abdi, Jeremot, Elías.

²⁷I pi'ʌlob Zatu: Elioenai, Eliasib, Matanías, Jeremot, Zabad, Aziza.

²⁸I pi'ʌlob Bebai: Johanán, Hananías, Zabai, Atlai.

²⁹I pi'ʌlob Bani: Mesulam, Maluc, Adaía, Jasub, Seal, Ramot.

³⁰I pi'ʌlob Pahat Moab: Adna, Quelal, Benaía, Maasías, Matanías, Bezaleel, Binúi, Manasés.

³¹I pi'ʌlob Harim: Eliezer, Isías, Malquías, Semaías, Simeón, Benjamín, Maluc, Semarías.

³³I pi'ʌlob Hasum: Matenai, Matata, Zabad, Elifelet, Jeremai, Manasés, Simei.

³⁴I pi'ʌlob Bani: Madai, Amram, Uel, Benaía, Bedías, Quelúhi, Vanías, Meremot, Eliasib, Matanías, Matenai, Jaasai, Bani, Binúi, Simei, Selemías, Natán, Adaía, Macnadebai, Sasai, Sarai, Azareel, Selemías, Semarías, Salum, Amarías, José.

⁴³I pi'ʌlob Nebo: Jeiel, Matatías, Zabad, Zebina, Jadau, Joe, Benaía.

⁴⁴Pejtel ili winicob ochemo' bʌ i c'aba' ila ti jun tsi' pʌyʌyob i yijñam ti yambʌ tejclum tac. Lamital añobix i yalobil yic'ot jini x'ixicob.