Read Chol Nehemias 7 Bible Online

Nehemias 7 - Chol bible

Nehemias 7

¹Che' cha' wen melbilix ts'ajc, che' wa'chocobilix i puertajlel i ti', tsac wa'choco winicob cha'an mi' cʌntañob i ti' yic'ot tac ts'ajc. Tsac wa'choco xc'ayob yic'ot levíjob.

²Tsa cʌc'ʌ Jerusalén ti' wenta Hanani, c pi'ʌl, yic'ot ti' wenta Hananías, jini capitán tsa' bʌ i cʌntʌbe i yotot gobernador, come xuc'ul i pusic'al ili winic. Ñumen tsi' bʌc'ña Dios bajche' yaño' bʌ.

³Tsac subeyob: Mach yomic mi' jajmel i ti' Jerusalén jinto che' c'uxix q'uin. Che' ya'to añob xcʌntayajob, la' i cha' ñup'beñob i puertajlel. La' i ñup'ob i ñejt'ib. Wa'chocon xcʌntayajob chumulo' bʌ ti Jerusalén. La' i jelob i bʌ jujuntiquil ti' yajñib ya' ti' tojel i yotot, cho'on.

⁴Ñuc jini tejclum, wen colem, pero mach cabʌlobic jini winicob. Maxto cha' melbilic i yotot tac.

⁵Dios tsi' yotsa tic pusic'al cha'an mic tempan jini ñuco' bʌ winicob yic'ot año' bʌ i ye'tel yic'ot yaño' bʌ winicob cha'an mi cotsañob ti jun ti jujunmojt. Tsac taja jun ba' chucbil i c'aba' tac jini tsa' bʌ tiliyob ti ñaxan ti Jerusalén. Ts'ijbubil:

⁶Jiñobʌch ch'oyolo' bʌ ti Judá tsa' bʌ majliyob ti ñajt bʌ lum ba' tsa' wersa pʌjyiyob cha'an Nabucodonosor, i rey Babilonia. Tsa' cha' sujtiyob ti Jerusalén yic'ot ti Judá ti jini tejclum tac ba' ch'oyolob i tatob ti jujuntiquil.

⁷I yumob tsa' bʌ cha' tiliyob jiñobʌch: Zorobabel, Jesúa, Nehemías, Azarías, Raamías, Nahamani, Mardoqueo, Bilsán, Misperet, Bigvai, Nehum, Baana. Jini yaño' bʌ tsa' bʌ cha' tiliyob jiñobʌch: I p'olbal Paros, jo'bajc' yic'ot waxʌcc'al yic'ot lajchʌntiquil (2,172); i p'olbal Sefatías, jo'lujunc'al yic'ot lujuntiquil i chʌnc'al yic'ot cha'tiquil (372); i p'olbal Ara, lujunc'al i cha'bajc' yic'ot lujuntiquil i yuxc'al yic'ot cha'tiquil (8652); i p'olbal Pahat Moab, i p'olbal Jesúa yic'ot Joab, wucbajc' yic'ot waxʌclujuntiquil (2,818); i p'olbal Elam, uxbajc' yic'ot lujuntiquil i yuxc'al yic'ot chʌntiquil (1,254); i p'olbal Zatu, cha'bajc' yic'ot jo'tiquil i yuxc'al (845); i p'olbal Zacai, jo'lujunc'al i cha'bajc' yic'ot uxc'al (760); i p'olbal Binúi lujunc'al i cha'bajc' yic'ot waxʌctiquil i yuxc'al (648); i p'olbal Bebai, lujunc'al i cha'bajc' yic'ot waxʌctiquil i yuxc'al (628); i p'olbal Azgad, lujunc'al i wucbajc' yic'ot junc'al yic'ot cha'tiquil (2,322); i p'olbal Adonicam, lujunc'al i cha'bajc' yic(...)

³⁹Jini motomajob tsa' bʌ cha' tiliyob jiñobʌch: i p'olbal Jedaía, jo'c'al i yuxbajc' yic'ot lujuntiquil i chʌnc'al yic'ot uxtiquil (973); i p'olbal Imer, lujunc'al i yuxbajc' yic'ot lujuntiquil i yuxc'al yic'ot cha'tiquil (1,052); i p'olbal Pasur, uxbajc' yic'ot jo'tiquil i yuxc'al yic'ot cha'tiquil (1,247); i p'olbal Harim, lujuntiquil i yuxbajc' yic'ot wʌclujuntiquil (1,017).

⁴³Jini levíjob tsa' bʌ cha' tiliyob jiñobʌch: I p'olbal Jesúa i yalobil bʌ Cadmiel i yalobil bʌ Hodavías, lujuntiquil i chʌnc'al yic'ot chʌntiquil (74). Jini xc'ayob: I p'olbal Asaf, wucc'al yic'ot waxʌctiquil (148). Jini xcuchijelob: I p'olbal Salum, i p'olbal Ater, i p'olbal Talmón, i p'olbal Acub, i p'olbal Hatita, yic'ot i p'olbal Sobai, wʌcc'al yic'ot jo'lujuntiquil i cha'c'al yic'ot uxtiquil (138).

⁴⁶Jini xcʌnta Templojob ti jujunmojt jiñobʌch: Ziha, Hasufa, Tabaot, Queros, Siaha, Padón, Lebana, Hagaba, Salmai, Hanán, Gidel, Gahar, Reaía, Rezín, Necoda, Gazam, Uza, Paseah, Besai, Mehunim, Nefisesim, Bacbuc, Hacufa, Harhur, Bazlut, Mehída, Harsa, Barcos, Sísara, Tema, Nezía, Hatifa.

⁵⁷I p'olbalob i winicob Salomón tsa' bʌ cha' tiliyob jiñobʌch: Sotai, Soferet, Perida, Jaala, Darcón, Gidel, Sefatías, Hatil, Poqueret Hazebaim, Amón.

⁶⁰Pejtel jini xcʌnta templojob yic'ot i p'olbal i winicob Salomón, jo'lujunc'al yic'ot lujuntiquil i jo'c'al yic'ot cha'tiquil (392).

⁶¹Yaño' bʌ tsa' bʌ letsiyob tilel ti Telmela, Telharsa, Querub, Adón, yic'ot ti Imer, ma'anic tsa' mejli i pʌsob majqui i ñojte'el mi baqui tilemob. Mach wen tsiquilic mi israelob:

⁶²I p'olbal Delaía, i p'olbal Tobías, i p'olbal Necoda, lujunc'al i cha'bajc' yic'ot cha'c'al yic'ot cha'tiquil (642).

⁶³Jini motomajob ja'el: I p'olbal Habaía, i p'olbal Cos, i p'olbal Barzilai, jini Barzilai tsa' bʌ i pʌyʌ cha'an i yijñam juntiquil xch'oc bʌ i yalobil Barzilai loq'uem bʌ ti Galaad. Tsi' ch'ʌmbe i c'aba' i ñij'al.

⁶⁴Tsi' lon sajcayob i juñilel i ñojte'el. Ma'anic tsi' tajayob. Jini cha'an tsa' chojquiyob loq'uel ti motomajil come mach i cʌñʌyobic i ñojte'el.

⁶⁵Jini gobernador tsi' subeyob mach chʌn mejlix i c'uxob jini ch'ujul bʌ waj jinto mi' tilel motomaj am bʌ ti' wenta jini Urim* yic'ot Tumim cha'an mi' ña'tan chuqui yom Dios.

⁶⁶Ti pejtelel jini tsa' bʌ i tempayob i bʌ, añob cha'c'al mil yic'ot cha'p'ejl mil yic'ot jo'lujunc'al yic'ot uxc'al (42,360).

⁶⁷Parte i winicob yic'ot i criadajob, wucp'ejl mil yic'ot jo'lujunc'al yic'ot jo'lujump'ejl i cha'c'al yic'ot cha'tiquil (7,337). Jini xc'ayob, lujunc'al yic'ot jo'tiquil i yuxc'al (245).

⁶⁸Jini caballo, jo'lujunc'al i cha'bajc' yic'ot jo'lujuncojt i yuxc'al (736). Jini mula tac, lujunc'al yic'ot jo'cojt i yuxc'al (245).

⁶⁹Camello tac, jumbajc' yic'ot jo'lujuncojt i cha'c'al (435). Burro tac, jo'lujumbajc' yic'ot jo'lujunc'al i cha'bajc' yic'ot junc'al (6,720).

⁷⁰Lamital jini ñuco' bʌ ancianojob tsi' yʌq'ueyob i majtan Dios cha'an i melol ts'ajc. Jini gobernador tsi' yʌc'ʌ ti' yotlel taq'uin 6,000 peso yic'ot lujump'ejl i yuxc'al p'ejt yic'ot jumbajc' yic'ot jo'c'al yic'ot lujump'ejl i cha'c'al (530) i pislel motomajob.

⁷¹Lamital jini ñuco' bʌ ancianojob tsi' yʌc'ʌyob ti' yotlel taq'uin junc'al mil oro bʌ taq'uin yic'ot lujunc'al i wʌcbajc' sʌsʌc taq'uin cha'an mi' c'ʌjñel ti jini e'tel.

⁷²Jini yaño' bʌ winicob x'ixicob tsi' yʌq'ueyob Dios junc'al mil oro bʌ taq'uin yic'ot cha'p'ejl mil sʌsʌc taq'uin yic'ot jo'p'ejl i chʌnc'al yic'ot cha'p'ejl i bujc tac motomajob.

⁷³Tsa' cha' sujtiyob ti' tejclum tac i ñojte'elob ti pejtelel Judá jini motomajob, jini levíjob, jini xcuchijelob, jini xc'ayob, jini xchumtʌlob, jini xcʌnta templojob. Pero tsa' cha' majliyob ti Jerusalén che' ti septiembre.