Read Chol Job 16 Bible Online

Job 16 - Chol bible

Job 16

¹Tsi' yʌlʌ Job: Jini woli bʌ a wʌl tsa'ix cubi ti yambʌ ora. Ma'anic ma' wis coltañon. Ma' p'ojlesan c wocol.

³Lolom jach ma' chʌn pejcañon. ¿Chucoch chʌn ch'ejlet ti t'an?

⁴C'oq'uicon che' c'amet, ma'anic tsac tic'layet tic t'an che' bajche' wola' tic'lañon.

⁵Tsac ña'ta bajche' yom mic pejcañet cha'an mic ñuq'uesan a pusic'al cha'an cha' tijicñayet.

⁶Che' muc'on ti t'an, ma'anic mi' lajmel c ch'ijiyemlel. Che' ñʌch'ʌlon, mach lajmic ja'el.

⁷Isujm tsi' chilbeyon c p'ʌtʌlel Dios. Tsi' yʌc'ʌyob ti pam pujquel jini año' bʌ ti cotot.

⁸Tsi' yʌñʌ c wut, yajyajonix. Cha'an ti' caj c mul, mi' lon alob.

⁹Dios mi' ts'a'leñon. Mi' jisañon ti' mich'lel. Mi' ñich' pʌsbeñon i bʌquel i yej. J contrajob ja'el mi' chʌcʌ q'ueloñob.

¹⁰Yomob i jisañon ti' yej. Mi' jats'oñob tic wut. Mi' tempañob i bʌ tij contra.

¹¹Dios tsi' cʌyʌyon ti' wenta jini mach bʌ yujilobic p'untaya. Woli' yʌc'on ti' c'ʌb jini mach bʌ anic mi' bʌc'ñañob Dios.

¹²Che' tijicñayon ti cotot tsi' bʌc' jisayon. Tsi' chucbeyon c bic'. Tsi' chocoyon jubel. Tsi' wa'chocoyon cha'an mi' julon ti' te'el i jalʌjb.

¹³Tsi' joy ñet'eyon i te'el yilal. Tsi' jeq'ueyon tic pusic'al. Ma'anic tsi' p'untayon. Ach'ix jini lum cha'an c pujwil.

¹⁴Ma'anic tsi' cʌyʌ i lowon. Ti ajñel tsa' tili i t'uchtañon che' bajche' xguerra.

¹⁵Lʌpʌl c cha'an coxtal i wenta c bujc. Tsaj cʌyʌ c pijtan j coltʌntel.

¹⁶Chʌchʌc c wut ti cabʌl uq'uel. Tam yoch'anix c wut cha'an mach jalix muc'on ti chʌmel.

¹⁷Pero mach cha'anic c mul, come sʌcon. Sʌcʌch coración ja'el.

¹⁸Ubi lum, mach ma' muc c ch'ich'el. La' i cha'len t'an jini lum cha'an tojon.

¹⁹Jini woli bʌ i q'uelon an ti panchan. Jini j caj Pejcaya an ti chan.

²⁰J cʌñʌyo' bʌ mi' ts'a'leñoñob, pero Dios mi' p'untañon che' mi' q'uel i ya'lel c wut.

²¹Uts'at muq'uic i ñich'tʌbeñon c t'an che' bajche' winicob mi' ñich'tʌbeñob i t'an i p'ʌlob pʌybilo' bʌ cha'an mi' melob i bʌ ti' tojlel Dios,

²²come mach jalix mux caj c xʌn majlel jini bij ba' mach sujticon.