Read Chol Job 17 Bible Online

Job 17 - Chol bible

Job 17

¹Mach c tajayix chuqui wen. Tsa'ix ts'ʌctiyi j q'uiñilel. Wolix ti jajmel c mucoñib.

²Joy wa'alob xwajleyajob. Woliyob ti a'leya. Tsʌtsob i pusic'al.

³¿Mach ba anic juntiquil xuc'ul bʌ quic'ot yom bʌ i yʌq'ueñon i c'ʌb?

⁴Jatet c Dios tsa'ix a ñup'beyob i pusic'al ame i ch'ʌmbeñob isujm. Mach muq'uic i mʌjlel i cha'añob.

⁵P'ump'uñob i yalobilob jini winic mu' bʌ i p'aj i cʌñʌyo' bʌ. Mi caj i yubiñob wi'ñal.

⁶Dios tsi' yʌc'ʌyon ti wajlentel cha'an winicob. Mi' tujbañob c wut.

⁷Mach c'otix c wut cha'an ch'ijiyem bʌ. Lajal c bʌc'tal bajche' axñal.

⁸Mi' toj sajtelob i pusic'al jini yujilo' bʌ p'untaya che' mi' q'ueloñob. Ti wi'il bʌ q'uin mi caj i mʌjlel i cha'an jini tojo' bʌ. Mi' cajelob ti quisin jini mach bʌ tojobic.

⁹Ma'anic mi' xoy i bijlel jini toj bʌ. Mi' yutsi p'ojlel i p'ʌtʌlel jini mach bʌ anic i mul.

¹⁰Jixcu jatetla ña'tanla ti pejteletla. Ma'anic mic taj mi juntiquilic ti la' tojlel am bʌ i pusic'al.

¹¹Mach c tajayix chuqui wen. Ma'anix c pijtaya. Mach c tajayix chuqui yom c pusic'al.

¹²Mi' lon subob sʌquix pañimil che' ac'ʌlel to.

¹³Mach jalix mi caj cochel ti lum che' bajche' ti cotot. Mi tsac pejca tic chumlib c mucoñib, mi tsac tajsi c wʌyib ti ic'ch'ipan bʌ pañimil,

¹⁴mi tsac pejca tic tat i yajñib chʌmeño' bʌ, mi tsac pejca tic ña' yic'ot quijti'an jini motso' año' bʌ ti lum,

¹⁵¿mu' ba caj i coltañon? ¿Chuqui c pijtaya?

¹⁶¿An ba c pi'ʌl ya' ba' mic majlel ti mucoñibʌl? ¿Temel ba mic jubel lojon ochel ti' tsubeñal lum? Tsa' ujti ti t'an Job.