Read Chol Salmos 1 Bible Online

Salmos 1 - Chol bible

Salmos 1

¹Tijicña jini winic mach bʌ anic mi' pi'len ti xʌmbal jontol bʌ winicob cha'an mi' jac'beñob i t'an, Jini mach bʌ anic mi' wa'tʌl ti' bijlel xmulilob, Jini mach bʌ anic mi' buchtʌl yic'ot xwajleyajob.

²Ili winic mi' taj i tijicñʌyel ti' mandar lac Yum, Mi' chʌn ña'tan chuqui yom lac Yum ti q'uinil yic'ot ti ac'ʌlel.

³Lajalʌch jini winic bajche' te' pʌc'bil bʌ ti' ti' cuxul bʌ pa' mu' bʌ i yʌc' i wut che' ti' yorajlel. I yopol jini te' mach yujilic p'ajtel. Pejtel chuqui mi' mel jini winic uts'at mi' yujtel.

⁴Mach che'ic jini jontol bʌ winicob. Lajalobʌch bajche' i sujl trigo mu' bʌ i wejlan majlel ic'.

⁵Jini cha'an ma'anic mi caj i q'uejlelob ti toj che' ti' yorajlel meloñel. Jini xmulilob ma'anic mi caj i yochelob ya' ba' mi' tempañob i bʌ jini tojo' bʌ.

⁶Come lac Yum mi' cʌntan jini tojo' bʌ ti' bijlel. Pero i bijlel jini jontolo' bʌ mi' yʌc'ob ti jilel.