Read Chol Salmos 11 Bible Online

Salmos 11 - Chol bible

Salmos 11

¹Tsa'ix cʌc'ʌ c bʌ ti' wenta c Yum. ¿Chucoch ma' subeñon: Puts'en ti wits che' bajche' te'lemut?

²Awilan, jini jontolo' bʌ woli' sʌts'ob i jalʌjb. Tsa'ix i sʌts'ʌyob i ch'ajñal jalʌjb ya' ba' xiq'uil i te'el Cha'an mi' julob jini toj bʌ winicob che' ac'ʌlelix.

³Lajalʌch jini mandar bajche' i yoyel otot. Mi' tsa' jili yilal cha'an i mul jini xñusa mandarob, ¿Chuqui mi mejlel i mel jini toj bʌ winic?

⁴Ya'an lac Yum ti ch'ujul bʌ i Templo. Ya'an i buchlib i yumʌntel ti panchan. Mi' q'uel winicob, mi' yilʌbeñob i pusic'al.

⁵Lac Yum mi yilʌben i pusic'al jini toj bʌ winic. Ti pejtelel i pusic'al mi' ts'a'len jini jontol bʌ winic yic'ot jini mu' bʌ i lon mulan jisaya.

⁶Mi caj i chocbeñob tilel nich c'ajc i wenta ja'al ti' pam jontolo' bʌ, C'ajc yic'ot azufre yic'ot wen ticʌw bʌ ic' chajpʌbilix bʌ i cha'an.

⁷Como tojʌch lac Yum, mi' c'uxbin chuqui tac toj. Jini tojo' bʌ mi caj i q'uelben i wut.