Read Chol Salmos 121 Bible Online

Salmos 121 - Chol bible

Salmos 121

¹Mic letsan c wut cha'an mij q'uel wits. ¿Baqui ch'oyol j coltʌntel?

²Ya' tilem j coltʌntel ti lac Yum Tsa' bʌ i mele panchan yic'ot pañimil.

³Mi caj i wen cʌntañonla ame tʌjts'ic la coc. Mach yujilic wʌyel jini mu' bʌ i cʌntañonla.

⁴Awilan, mach ts'ubic jini mu' bʌ i cʌntan Israel. Mach yujilic wʌyel.

⁵Lac Yum jiñʌch xcʌntaya a cha'an. Lac Yum i wentajʌch axñal cha'an mi' moset.

⁶Jini q'uin ma'anic mi caj i pulet ti q'uinil, Mi jinic uw ti ac'ʌlel.

⁷Lac Yum mi caj i cʌntañet ti pejtelel a wocol cha'an ma' loq'uel ti uts'at. Mi caj i cʌntan a cuxtilel.

⁸Lac Yum mi caj i cʌntañet che' ma' loq'uel majlel, che' ma' sujtel tilel. Mi caj i cʌntañet wʌle yic'ot ti pejtelel ora.