Read Chol Salmos 138 Bible Online

Salmos 138 - Chol bible

Salmos 138

¹Ti pejtelel c pusic'al mic subeñet wocolix a wʌlʌ, c Yum. Mij c'ʌyibeñet a ñuclel ya' ti' tojlel jini mu' bʌ i ch'ujutesañob dioste' tac.

²Mic ch'ujutesañet ti' tojel ch'ujul bʌ a Templo. Mic subeñet wocolix a wʌlʌ cha'an ñuc a c'aba'. Ti' xuc'tilel a pusic'al ma' c'uxbiñon lojon. Ñumen ñuc a t'an bajche' pejtel yan tac bʌ a melbal.

³Tsa' jac'beyon coración ti jini jach bʌ q'uin che' bʌ tsac pejcayet. Tsa' ñuq'uesʌbeyon c pusic'al che' bʌ tsa' p'ʌtesayon.

⁴Pejtel yumʌlob ti pañimil mi caj i subob a ñuclel, c Yum, Che' mi' yubiñob a t'an.

⁵Isujm mi caj i c'ʌyiñob a melbal, c Yum, Come ñajt mi' tsictiyel a ñuclel.

⁶Anquese wen ñuc lac Yum ti chan, mi' ña'tan jini mu' bʌ i peq'uesañob i bʌ, Pero mi' ñajti q'uel jini chan bʌ mi' melob i bʌ.

⁷Che' an c wocol ma' cʌntañon cha'an uts'at mic ñusan. Ma' pʌs a p'ʌtʌlel ti' contra jini mich'o' bʌ mu' bʌ i contrajiñoñob. Ma' coltañon yic'ot ñoj bʌ a c'ʌb.

⁸C Yum, mi caj a ts'ʌctesʌbeñon chuqui yom tic tojlel che' bajche' wʌn ña'tʌbil a cha'an. Ti pejtelel ora c'ux ma' wubiñon. Mach a cʌyon, come i melbalon a c'ʌb.