Read Chol Salmos 142 Bible Online

Salmos 142 - Chol bible

Salmos 142

¹Mic pejcan c Yum ti wocol t'an. Mij c'ajtiben c Yum cha'an mi' p'untañon.

²Mic suben che' an c tsic pusic'al. Mic suben pejtel c wocol.

³Cʌmbil i cha'an c bijlel che' c'un c pusic'al. Mi' yʌc'ob yac ti bij ba' mic ñumel.

⁴Mic joy q'uel pañimil. Ma'anic majqui mi' p'ison ti wenta. Ma'anic baqui mic muc c bʌ. Ma'anic majqui mi' c'uxbiñon.

⁵C'am mic pejcañet, c Yum. Mic subeñet: C puts'ibet. Ch'oyol ba' añet pejtelel c wenlel wʌ' ti' lumal jini cuxulo' bʌ.

⁶Ubibeñon c t'an come ju'sʌbilix c pusic'al ti wocol. Pʌyʌyon loq'uel ti' tojlel jini mu' bʌ i tic'lañoñob, come cabʌl i p'ʌtʌlel. Mach mejlic j coltan c bʌ.

⁷Pʌyʌyon loq'uel ti mʌjquibʌl cha'an mic sub i ñuclel a c'aba'. La' tilicob quic'ot cabʌl tojo' bʌ, Come wola' pʌsbeñon cabʌl i yutslel a pusic'al.