Read Chol Salmos 15 Bible Online

Salmos 15 - Chol bible

Salmos 15

¹C Yum, ¿majqui mi' caj ti ajñel ti a wotot? ¿Majqui mi' caj ti chumtʌl ti ch'ujul bʌ a bujtʌl? Jiñʌch jini toj bʌ i pusic'al mu' bʌ i mel chuqui toj.

²Ma'anic i sajtemal, mi' mel chuqui tac toj. Jump'ejl jach i pusic'al.

³Mach yujilic jop't'an. Ma'anic chuqui mi' tumben i cʌñʌ bʌ. Ma'anic mi' chʌn ña'tiben i mul i pi'ʌlob.

⁴Mach wenic mi' q'uel jini xjontolil. Mi' c'uxbin jini mu' bʌ i bʌc'ñañob Dios. Mi' ts'ʌctesan i t'an anquese wocol mi' yubin.

⁵Ma'anic mi' ch'ʌm i jol taq'uin che' mi' yʌc' ti majan. Ma'anic mi' ch'ʌm taq'uin cha'an mi' tic'lan jini mach bʌ anic i mul. Jini toj bʌ mu' bʌ i mel pejtel iliyi, chʌn xuc'ul mi' caj ti ajñel.