Read Chol Salmos 28 Bible Online

Salmos 28 - Chol bible

Salmos 28

¹C Yum, mic pejcañet. C Xajlelet ba' mic taj c xuc'tilel. Mach yomic ma' ñusʌbeñon c t'an ame chʌmicon.

²Ubibeñon c t'an che' c'am mic pejcañet. Coltañon che' mic letsan j c'ʌb ti' tojel jini ch'ujul bʌ a chumlib.

³Mach a chocon loq'uel yic'ot jontolo' bʌ winicob, Yic'ot jini mu' bʌ i cha'leñob jontolil. Uts i t'an che' mi' pejcañob i pi'ʌlob, Pero mi' ña'tañob jontolil ti' pusic'al.

⁴La' i tojob i jontolil tsa' bʌ i cha'leyob. Q'uextʌbeñob jontol bʌ i melbal. Aq'ueñob i q'uexol i melbal che' bajche' yom.

⁵Come ma'anic mi' p'isob ti' wenta a melbal mi i ye'telic a c'ʌb. Jini cha'an mi caj a peq'uesañob. Ma'anic mi caj a cha' ñuq'uesañob.

⁶La' c ch'ujutesan lac Yum, Come tsi' yubibeyon j c'ajtibal.

⁷Lac Yum, c p'ʌtʌlelʌch, c mʌctʌjibʌch. Tsa'ix c ñopo c Yum ti jump'ejl jach c pusic'al. Tsi' xuc'chocoyon. Jini cha'an ñuquix c pusic'al. Mi caj c ch'ujutesan tij c'ay.

⁸C Yum, c p'ʌtʌlelet lojon. Lajaletʌch bajche' ts'ajquibil bʌ otot ba' mi' taj i coltʌntel jini yajcʌbil bʌ a cha'an.

⁹Coltan a cha'año' bʌ. Aq'ueñob i tijicñʌyel a p'olbal. We'sañob ja'el. Meq'ueyob majlel ti pejtelel ora.