Read Chol Salmos 53 Bible Online

Salmos 53 - Chol bible

Salmos 53

¹Jini tontojo' bʌ mi' lon alob ti' pusic'al: Ma'anic Dios, che'ob. Sojquemob jax, leco jax i melbalob. Ma'anic mi' melob chuqui uts'at mi juntiquilic.

²Dios am bʌ ti panchan mi' q'uel winicob x'ixicob Cha'an mi' q'uel mi an majch mi' ch'ʌmben isujm, mi an majch mi' sajcan Dios.

³Ti pejtelelob tsa'ix i sʌtʌyob i bʌ. Bibi'ob jax ti mulil ti pejtelob. Ma'anic majqui mi' mel chuqui uts'at, mi juntiquilic.

⁴¿Mach ba junlajalobic jini mu' bʌ i cha'leñob jontolil? Ma'anic mi' ch'ʌmbeñob isujm. Mi' jisañob i cha'año' bʌ Dios che' bajche' mi' c'uxob i waj. Ma'anic mi' c'ajtiñob i coltʌntel ti Dios.

⁵Cabʌl tsi' lon cha'leyob bʌq'uen a contrajob ya' ba' ma'anic bʌbʌq'uen bʌ. Come Dios mi caj i pam pucob ti guerra. Jatet tsa' wʌc'ʌyob ti quisin, come Dios tsi' chocoyob loq'uel.

⁶Uts'atax muq'uic i loq'uel tilel Dios ti Sion cha'an mi' coltan israelob. Ba' ora mi' cha' pʌy loq'uel i cha'año' bʌ ya' ba' ñup'ulob, Tijicñayob mi caj i yubiñob israelob.