Read Chol Salmos 61 Bible Online

Salmos 61 - Chol bible

Salmos 61

¹C Dios, ubiñon, awocolic wolij c'ajtibeñet. Jac'beñon coración.

²Che' wen lujbonix mi caj c pejcañet, anquese ya' añon ti ñajt bʌ pañimil. Pʌyʌyon majlel ba'an jini chan bʌ xajlel ñumen bʌ i p'ʌtʌlel bajche' joñon.

³Come c puts'ibet. Lajalet bajche' ts'ajquibil bʌ otot ba' mach mejlicob ti ochel j contrajob.

⁴Mi caj c chumtʌl ya' ba' chumulet ti pejtelel ora. Mi caj cotsan c bʌ ti yebal a wich' yilal.

⁵Come jatet, Dios, tsa' wubibeyon c t'an tsa' bʌ c wa'choco ti a tojlel. Tsa'ix a cha' aq'ueyob i wenlel mu' bʌ i bʌc'ñañob a c'aba'.

⁶Mi caj a ñajt'esʌbeñon c jabilel. Mi caj a xuc'chocobeñon c yumʌntel ti' tojlel calobilob ti jujunlajm.

⁷Mi caj cajñel ti a tojlel ti pejtelel ora. Cʌntañon ti a wutslel yic'ot ti' sujmlel a t'an.

⁸Che' jini mi caj j c'ʌyin a c'aba' ti pejtelel ora, Cha'an mic bej ts'ʌctesan ti jujump'ejl q'uin jini tsa' bʌ c ña'ta c mel.