Read Chol Salmos 64 Bible Online

Salmos 64 - Chol bible

Salmos 64

¹Dios, ubibeñon c t'an che' mic subeñet c wocol. Coltañon ame i bʌc'tesañon j contra.

²Otsañon ba' mucul, ba' mach i tajayoñobic jini mu' bʌ i temob i t'an cha'an mi' contrajiñon.

³Mi' c'ʌñob i yac' che' bajche' espada. Mi' cha'leñob jontol bʌ t'an che' bajche' jini mu' bʌ i c'ʌñob jalʌjb ti julbʌl

⁴Cha'an mi' lowob jini tojo' bʌ woli' bʌ i chijtañob. Ti ora jach mi' julob. Mach yujilobic bʌq'uen.

⁵Mi' comol xic'ob i bʌ ti jontolil woli bʌ i mucul ña'tañob. Mi' temob i t'an cha'an mi' chucob jini p'ump'uño' bʌ. Mi' lon alob: Ma'anic majch mi' q'uel, che'ob.

⁶Mi' wʌn ña'tañob chuqui mi caj i melob. Ti mucul jach mi' chajpañob i bʌ. Mach tsiquilic chuqui an ti' pusic'al winic, mi chuqui an ti' jol.

⁷Dios mi caj i yʌq'ueñob i toj i mul. Ti ora jach mi caj i lowob ti' te'el jalʌjb.

⁸Mi' cajelob ti yajlel cha'an socol i t'an. Pejtel mu' bʌ i q'uelob mi caj i toj sajtelob i pusic'al.

⁹Pejtelel winicob mi' cajelob ti bʌq'uen. Mi caj i subob i melbal Dios. Mi caj i ña'tañob wen an i ña'tʌbal Dios ti pejtelel i melbal.

¹⁰Tijicña mi caj i yubiñob jini tojo' bʌ mu' bʌ i ñopob lac Yum. Pejtel jini tojo' bʌ i pusic'al mi caj i subob ti ñuc.