Read Chol Salmos 76 Bible Online

Salmos 76 - Chol bible

Salmos 76

¹Dios tsi' yʌc'ʌ i bʌ ti cʌjñel ti Judá yic'ot ti Israel.

²Ya' chumul Dios ti Jerusalén, Ya'an i chumlib ti Sion.

³Ya'i tsi' colta israelob. Tsi' laj jembeyob i ye'tijib i contrajob mu' bʌ i c'ʌñob ti guerra.

⁴Ñumen ñuquet bajche' jini wits tac am bʌ ti pejtelel ora.

⁵Tsa' chilbentiyob i chubʌ'an jini ch'ejlo' bʌ i pusic'al. Tsa' jiliyob jini p'ʌtʌlo' bʌ winicob. Ma'anix tsa' chʌn mejliyob.

⁶Che' bʌ tsa' tiq'uiyob, c Dios, i Dioset bʌ Jacob, Tsa' yajliyob jini c'ʌchʌlo' bʌ yic'ot i c'ʌchlib.

⁷Bʌc'ñʌbilet. ¿Majqui mi mejlel ti c'otel ti a t'ejl che' mich'et?

⁸Ya' ti panchan tsa' wʌc'ʌ a t'an ti meloñel. Jini año' bʌ ti pañimil tsa' cajiyob ti bʌq'uen. Ñʌch'ʌl tsa' cʌleyob

⁹Che' bʌ tsa' caji a cha'len meloñel Cha'an ma' coltan pejtelel jini tic'lʌbilo' bʌ ti pañimil.

¹⁰I mich'ajel winicob mi caj i tsictesʌben i ñuclel Dios. Che' ñumen ti p'is i mich'ajel mi caj a tic'ob.

¹¹Suben lac Yum Dios chuqui mi caj la' mel. Melela che' bajche' tsa' la' sube. La' i ch'ʌmbeñob tilel i majtan Dios ti pejtelel lum, come lac Yum jiñʌch yom bʌ mi lac bʌc'ñan.

¹²Mux i jultesʌbeñob i pusic'al yumʌlob. Bʌbʌq'uen jax lac Yum ti' tojlel jini reyob ti pañimil.