Read Chol Salmos 82 Bible Online

Salmos 82 - Chol bible

Salmos 82

¹Dios mi' pʌs i bʌ ti' tojlel i cha'año' bʌ mu' bʌ i tempañob i bʌ. Mi' cha'len meloñel ti' tojlel xmeloñelob.

²Dios mi' yʌl: ¿Jayp'ejl to q'uin mach tojic mi caj a chʌn cha'len meloñel? ¿Jayp'ejl to q'uin mi caj a q'uel ti uts'at jini jontolo' bʌ?

³Mele ti toj jini p'ump'uño' bʌ yic'ot meba'ob. Coltan jini tic'lʌbilo' bʌ yic'ot jini p'ump'uño' bʌ.

⁴Coltañob loq'uel ti wocol jini an to bʌ yom i cha'añob yic'ot jini p'ump'uño' bʌ. Chucuyob loq'uel ti' p'ʌtʌlel jini jontolo' bʌ.

⁵Ma'anic mi' ña'tañob, ma'anic mi' ch'ʌmbeñob isujm. Woliyob ti xʌmbal ti ic'ch'ipan bʌ pañimil. Ya' ba' chucul pañimil mi' ñijcan i bʌ.

⁶Joñon tsa cʌq'ueyetla la' we'tel ti yumʌl. Tsa cʌlʌ i yalobiletla jini C'ax Ñuc Bʌ.

⁷Pero lajal mi caj la' chʌmel bajche' winicob. Lajal mi caj la' jilel bajche' yaño' bʌ yumʌlob, che'en Dios.

⁸Dios, ch'ojyen, cha'len meloñel ti' tojlel año' bʌ ti pañimil, Come i Yumet pejtelel winicob x'ixicob ti pejtelel lum.