Read Chol Salmos 87 Bible Online

Salmos 87 - Chol bible

Salmos 87

¹C'ʌcʌl i tejclum Dios ti ch'ujul bʌ bujtʌl.

²Lac Yum mi' c'uxbin Jerusalén Ñumen bajche' pejtel yambʌ xchumtʌl tac ti Israel.

³Cʌmbil ti ñajtʌl cabʌl jax i ñuclel i tejclum Dios.

⁴Mi caj c ña'tan Egipto yic'ot Babilonia Che' mic pejcʌbeñob i c'aba'ob mu' bʌ i cʌñoñob. Che' mic ña'tan Filistea yic'ot Tiro yic'ot Etiopía. An majqui mi' q'uel i bʌ ti ñuc cha'an tsi' yila pañimil ya'i.

⁵Pero ñumen mi caj i p'isob ti' wenta jini mu' bʌ i q'uelob pañimil ti Sion. Mi caj i yʌlob: Q'uele wʌ'an winic, q'uele ya'an winic, tsi' yilayob pañimil ti Sion, che'ob. Jini C'ax Ñuc Bʌ mi caj i xuc'chocon Sion.

⁶Che' mi' tsicob winicob x'ixicob, Lac Yum mi caj i ts'ijban ti jun: Jini tsi' q'uele pañimil wʌ'i.

⁷Jini mu' bʌ i cha'leñob c'ay yic'ot jini mu' bʌ i cha'leñob son mi caj i yʌlob: Ch'oyol ti Jerusalén pejtel c wenlel lojon, che'ob.