Read Chol Salmos 91 Bible Online

Salmos 91 - Chol bible

Salmos 91

¹Jini mu' bʌ i chumtʌl yic'ot jini C'ax Ñuc Bʌ Mi' yajñel ti' yʌxñʌlel jini Mach bʌ Anic i P'isol i P'ʌtʌlel.

²Mi caj c sub: Lajalʌch lac Yum bajche' ts'ajquibil bʌ otot ba' mic puts'el. C Diosʌch, woli bʌ c ñop, cho'on.

³Dios mi caj i cʌntañet ame chujquiquet ti yac che' bajche' mut. Mi caj i loc'sañet ti c'amʌjel mu' bʌ ti tsʌnsa.

⁴Dios mi caj i cʌntañet ti' yebal i wich' yilal che' bajche' mi' luts' i yal i ña'al mut. I xuc'tʌlel i pusic'al jiñʌch lac mʌctijib ba' mi laj cʌntʌntel.

⁵Ma'anic mi caj a bʌc'ñan jini bʌbʌq'uen tac bʌ ti ac'ʌlel, Mi jinic jalʌjb mu' bʌ i julet che' ti q'uiñil.

⁶Mi jinic p'ʌtʌl bʌ c'amʌjel mu' bʌ i ñumel ti ac'ʌlel, Mi jinic mu' bʌ ti jisaya che' ti xinq'uinil.

⁷Anquese tsa' tsʌnsʌntiyob jump'ejl mil ti a t'ejl Yic'ot lujump'ejl mil ya' ti ñoj bʌ a c'ʌb, ma'anic mi caj i tajet.

⁸Ti a wut mi caj a q'uel i chobejtʌbal jini jontolo' bʌ.

⁹Come lac Yum jiñʌch lac puts'ib. Jatet ja'el tsa'ix a wʌc'ʌ a bʌ ti' wenta jini C'ax Ñuc Bʌ.

¹⁰Jini cha'an ma'anic mi caj a wubin wocol. Ma'anic mi caj i tajet jini c'amʌjel mu' bʌ ti tsʌnsa ya' ba' chumulet.

¹¹Come jini C'ax Ñuc Bʌ tsa'ix i yʌq'ue mandar i yángelob, Cha'an mi' cʌntañet baqui jach ma' majlel.

¹²Mi caj i chuquet ame a jats' a woc ti xajlel.

¹³Mi caj a t'uchtan jini bajlum yic'ot lucum. Mi caj a tsʌnsan jini jontol bʌ bajlum yic'ot lucum.

¹⁴Dios mi' yʌl: Mi caj j coltan loq'uel ti wocol jini ochem bʌ tic wenta come c'ux mi' yubiñon. Mi caj j cʌntan come mi' cʌñon. Mi' pejcañon tij c'aba'.

¹⁵Che' mi' c'ajtibeñon, mi caj c jac'ben i t'an. Mi caj cajñel yic'ot che' ti' yorajlel wocol. Mi caj cʌc' ti colel. Mi caj cʌq'uen i ñuclel.

¹⁶Mi caj c tijicñesan ti cabʌl i jabilel. Mi caj j coltan, che'en Dios.