Read Chol Salmos 98 Bible Online

Salmos 98 - Chol bible

Salmos 98

¹C'ʌyinla lac Yum. C'ʌyibenla tsiji' bʌ c'ay Come tsi' pʌsʌ i yejtal tac i p'ʌtʌlel. Ti ch'ujul bʌ i p'ʌtʌlel tsa'ix mʌjli i cha'an.

²Lac Yum tsi' yʌc'ʌ i bʌ ti cʌjñel che' bʌ tsi' coltayonla. Tsi' tsictesa toj bʌ i pusic'al ti' tojlel pejtel winicob x'ixicob.

³Tsa'ix i c'ajtesa jini albil bʌ i t'an ti' yutslel i pusic'al. Tsa'ix i pʌsbeyob israelob i xuc'tilel i pusic'al. Winicob año' bʌ ti ñajt bʌ pañimil tsa'ix i q'ueleyob i ye'tel Dios ti coltaya.

⁴Winicob x'ixicob ti pejtelel pañimil, yom tijicña la' pusic'al. Cha'lenla tijicña bʌ c'ay. C'ʌyibenla i ñuclel.

⁵Ñijcanla música ti arpa che' mi la' c'ʌyiben salmo tac lac Yum.

⁶Yic'ot i t'an trompeta yic'ot i t'an corneta Yom tijicña mi la' ch'ujutesan lac Yum, jini Rey.

⁷La' i cha'len c'am bʌ t'an jini colem ñajb yic'ot chuqui tac an ti ñajb, Jini pañimil ja'el yic'ot pejtelel wʌ' bʌ chumulob.

⁸Yom tijicña jini colem ja' che' bajche' winicob mu' bʌ i jats'ob i c'ʌb. Yom laj tijicña jini wits ti' tojlel lac Yum.

⁹Come tal lac Yum i mel pejtel año' bʌ ti pañimil. Mach jelchoquic mi caj i melob.