Read Chol Proverbios 23 Bible Online

Proverbios 23 - Chol bible

Proverbios 23

¹Che' buchulet ti mesa yic'ot am bʌ i ye'tel, yom ma' wen ña'tan majqui wola' pi'len ti we'el.

²Tsepex a bic' ti machit mi wo'etax ti' bʌl a ñʌc'.

³Mach a mulʌben i caxlan waj. Mach a lon ña'tan la' pi'ʌl la' bʌ cha'an wola' poj cha'len we'el yic'ot.

⁴Mach a mel a pusic'al cha'an ma' wochel ti rico. Mi che'ʌch wola' ña'tan cʌyʌx a ña'tan.

⁵¿Mu' ba caj a lon sʌclan jini mach bʌ a tajayic? Lajalʌch lac chubʌ'an bajche' i wich' xiye' mu' bʌ ti wejlel majlel.

⁶Mach a c'uxben i waj jini tsʌytsʌyña bʌ i pusic'al. Mach a mulʌben sumuc bʌ i we'el.

⁷Come cha'p'ejl jax i pusic'al mu' bʌ i pejcañet. C'uxu, japʌ, che'en, pero ma'anic mi' c'uxbiñet.

⁸Mux a xejtan jini tsa' bʌ a mʌsa. Mux i to'ol jilel ti a pusic'al jini wocolix a wʌlʌ.

⁹Mach a cʌntesan tonto bʌ, come mi' ts'a'lebeñet a t'an yic'ot a ña'tʌbal.

¹⁰Mach ma' lux majlel i cayajonlel i lum meba' x'ixic. Mach ma' chilbeñob i lum meba' alʌlob.

¹¹Come jini mach bʌ anic i p'isol i p'ʌtʌlel mi' wen q'uel meba' alʌlob. Mi caj i coltañob ti' tojlel jini tsa' bʌ i tic'layob. Mi caj i yʌq'uet ti quisin mi tsa' tic'layob.

¹²Yom p'ip' a pusic'al ti a cʌntesʌntel. Yom yʌxʌl a wo cha'an ma' ch'ujbiben i t'an jini cabʌl bʌ i ña'tʌbal.

¹³Mach a to'ol ñusʌben i mul alob che' yom i ju'sʌbentel i pusic'al. Mi tsa' bajbe ti te' ma'anic mi' caj ti chʌmel.

¹⁴Wersa yom ma' bajben ti te' cha'an ma' coltan a walobil ame majlic ba'an chʌmeño' bʌ.

¹⁵Calobil, mi tsa'ix wen juli a pusic'al, mux c taj i tijicñʌyel c pusic'al.

¹⁶Isujm wen tijicñayon che' ma' sub toj bʌ t'an.

¹⁷Mach ma' mulʌben i chubʌ'an xmulilob. Yom ma' chʌn bʌc'ñan lac Yum ti pejtelel ora.

¹⁸Isujm maxto anic tsiquil chuqui wola' pijtan, pero mi' caj ti tsictiyel.

¹⁹Calobil, ubibeñon c t'an. Ñopo chuqui wen. Cʌntesan a bʌ cha'an ma' mel chuqui wen.

²⁰Mach a pi'len majlel jini xjap vinojob yic'ot jini wo'ob jax bʌ ti' bʌl i ñʌc'.

²¹Come mi' yochelob ti pobre jini xyʌc'ʌjelob yic'ot wo'ob jax bʌ ti' we'elʌl. Jini mu' bʌ i mulañob cabʌl wʌyel mi caj i lʌpob tsucul pisil.

²²Ubiben i t'an a tat tsa' bʌ i p'oloyet. Mach a ts'a'len a ña' che' ñoxix.

²³C'uxbin jini isujm bʌ t'an, come lajalʌch bajche' letsem tac bʌ i tojol mu' bʌ lac mʌn. Mach a cha' chon ti pejtelel ora. Cha'len wersa cha'an ma' taj a ña'tʌbal yic'ot i tic'ol a pusic'al yic'ot a cʌntesʌntel.

²⁴Tijicña jax i tat ch'iton toj bʌ i pusic'al. Tijicña i pusic'al tsa' bʌ i p'olo ch'iton am bʌ wen bʌ i pusic'al.

²⁵La' tilic i tijicñʌyel a tat a ña'. La' ñuc'ac i pusic'al a ña' tsa' bʌ i yʌc'ʌyet ti pañimil.

²⁶Calobil, ch'ujbibeñon c t'an. Yom yʌxʌl a wo cha'an ma' q'uel bajche' mic mel.

²⁷Jini sts'i'lel bʌ x'ixic lajalʌch bajche' tam bʌ ch'en. Lajalʌch sajtem bʌ x'ixic bajche' tam bʌ jajp yoc ja'. Jini mu' bʌ i yajlel ya'i ma'anix mi' chʌn loq'uel.

²⁸Jini sts'i'lel bʌ x'ixic mi' cha'len chijt lajal bajche' xujch'. Mi' yutsi p'ojlesan xlotiyajob ti' tojlel winicob.

²⁹¿Majqui an i wocol? ¿Majqui an i ch'ijiyemlel i pusic'al? ¿Majqui mi' tech a'leya? ¿Majqui mi' taj i lojwel anquese ma'anic i contra? ¿Majqui chʌchʌc i wut?

³⁰Jiñʌch mu' bʌ i jal'añob ti' japol vino, mu' bʌ i ñico japob vino mu' bʌ i xʌbob.

³¹Mach a mulan jini copa che' chʌchʌc anquese i t'ojol jax ti q'uelol.

³²Anquese sumuc jax mi' jubel che' ti ñaxan, pero ti wi'il mi' ch'ojet che' bajche' lucum. Lajal i c'uxel bajche' i yej o'chan.

³³Mux a q'uel leco tac bʌ mi tsa' japʌ. Leco mi caj a cha'len t'an.

³⁴Lajalet yubil bajche' jini litsuña bʌ i jol woli bʌ ti wʌyel ti barco ti colem ñajb. Lajalet bajche' jini woli bʌ ti wʌyel ti barco che' bʌbʌq'uen mi' jilel ti p'ʌtʌl bʌ ic'.

³⁵Che' jini mi caj a wʌl: Tsi' jats'ʌyoñob, pero mach c'uxic. Tsi' bajbeyoñob, pero ma'anic tsiquil tsa cubi. Che' mic ch'ojyel mic cha' majlel c jape', che'et.