Read Chol Proverbios 7 Bible Online

Proverbios 7 - Chol bible

Proverbios 7

¹Calobil, jac'beñon c t'an. P'isi ti a wenta c mandar.

²Mele chuqui mic subeñet. Che' jini cuxul mi caj a wajñel. Chʌn loto j cʌntesʌbal che' bajche' ma' cʌntan i santojlel a wut.

³La' wen tsictiyic c t'an ti a melbal. La' ts'ijbuntic ti a pusic'al che' bajche' ti jun.

⁴Suben jini mach bʌ anic i p'isol i ña'tʌbal: C'uxbibilet c cha'an. Che' yom ma' suben. Pejcan ti a pi'ʌl jini mu' bʌ i ch'ʌmben isujm.

⁵La' i cʌntañet ame a ñochtan jini x'ixic am bʌ i maña, ame a jac'ben i lot jini x'ixic mu' bʌ i pʌyet ti mulil.

⁶Che' wa'alon ti' t'ejl q'ueloñib, che' mʌcʌlon ti mal cotot, tsaj q'uele pañimil.

⁷Tsaj q'uele ch'iton winic mach bʌ anic i ña'tʌbal. Ya'an ti' tojlel i pi'ʌlob.

⁸Woli ti ñumel ti bij lʌc'ʌl ti' xujc otot ba'an x'ixic. Ya' tsa' ochi ti' bijlel i yotot,

⁹che' ti ic'yoch'an bʌ pañimil ti' bʌjlibal q'uin, che' ac'ʌlelix, che' wen ic'atax pañimil.

¹⁰Awilan ya'an x'ixic. Tsa' tili i taj. Maña jax i pusic'al. Lajalʌch i bujc bajche' mi' lʌpob jontol bʌ x'ixicob.

¹¹Mach yujilic i jac'ol t'an. Cabʌl mi' cha'len xʌmbal. Mach buchulic ti' yotot.

¹²Ya jach an ti bij. Poj jumuc' an ti plaza. I tilel mi' wa'tʌl ti jujump'ejl i xujc calle.

¹³Tsi' chucu ili winic, tsi' ts'ujts'ube i wut. Mach yujilic quisin. Tsa' caji i pejcan:

¹⁴Sajmʌl tsa cʌq'ue Dios tsʌnsʌbil bʌ i majtan cha'an mi' ts'ʌctiyel c t'an tsa' bʌ c sube.

¹⁵Jini cha'an tsa' loq'uiyon cha'an mic tajet. Tsac sʌclayet, tsac tajayet.

¹⁶Tsa'ix c tajsi c wʌyib yic'ot c'ʌn jol yic'ot i t'ojol jax bʌ pisil loq'uem bʌ ti Egipto.

¹⁷Tsac p'ujp'u perfume yic'ot mirra tic ch'ac, yic'ot áloes yic'ot canela, xojocña bʌ i yujts'il.

¹⁸Conla j c'uxbin lac bʌ c'ʌlʌl mi' sʌc'an. La' ñuc'ac lac pusic'al come c'ux mi la cubin lac bʌ.

¹⁹Majlemix c ñoxi'al. Ñajt tsa' majli ti xʌmbal. Tsi' ch'ʌmʌ majlel i taq'uin.

²⁰Mach poj julic ti' yotot jinto mi' pom i bʌ uw. Che' tsi' pejca x'ixic.

²¹Tsi' chʌn pejca ti uts bʌ t'an jinto tsi' jac'ʌ. Tsi' xic'be i ts'i'lel ti cabʌl t'an jinto tsa' wersa majli i pi'len.

²²Jini ch'iton mi' bʌc' pʌjyel majlel che' bajche' tat wacax mu' bʌ i pʌjyel majlel ti tsʌnsʌntel. Lajalʌch bajche' jini sojquem bʌ i jol mu' bʌ i yʌc' i bʌ ti cʌjchel ti cadena.

²³Lajalʌch bajche' te'lemut toj bʌ mi' yochel ti yac. Mach yujilic mi ya' mi' caj ti chʌmel, pero mi caj i c'un ña'tan ba' ora mi' jec'bentel i pusic'al che' bajche' ti jalʌjb.

²⁴Calobilob jac'beñonix c t'an. Ch'ujbibeñon c t'an mu' bʌ c subeñetla.

²⁵Mach ma' mulan jini x'ixic leco bʌ i melbal. Mach ma' taj a sajtemal yic'ot.

²⁶Chʌmeñobix cabʌl winicob cha'an tsi' yʌsayob. Isujm tsa'ix i xiq'ui ti mulil cabʌl ch'ejl bʌ winicob.

²⁷Jini am bʌ ti mal i yotot anix ti' bijlel chʌmel. Wolix i jubel majlel ti' bijlel mucoñibʌl.