Read Chol Proverbios 9 Bible Online

Proverbios 9 - Chol bible

Proverbios 9

¹Jini mach bʌ anic i p'isol i ña'tʌbal tsi' mele i yotot. Tsi' wa'chocobe i yoyel, i t'ojol jax bʌ i ts'ijbal.

²Tsi' tsʌnsa i wacax. Tsi' xʌbʌ vino. Tsi' tajsi i mesa.

³Tsi' choco majlel xpʌyoñelob ti tejclum ba' mi' rusin i bʌ bij cha'an mi' pʌyob tilel xñumelob.

⁴Tsi' yʌlʌ: La' tilic jini maxto bʌ anic i pusic'al.

⁵La' c'uxu c waj. Japʌ jini vino tsa' bʌ c chajpa.

⁶Cʌyʌx a mul. Taja a cuxtʌlel. Toj yom ma' mel che' bajche' jini mu' bʌ i ch'ʌmbeñob isujm, che'en.

⁷Jini mu' bʌ i tic' jini xwajleya mi' taj i ts'a'lentel. Jini mu' bʌ i lon ña'tan i cʌntesan, quisintic jax mi caj i melbentel.

⁸Mach a cʌntesan xwajleya ame ts'a'ic mi' q'uelet. Cʌntesan jini wen bʌ i pusic'al. Che' jini mi caj i c'uxbiñet.

⁹Cʌntesan jini am bʌ i ña'tʌbal. Mux i yutsi p'ojlel i ña'tʌbal. Cʌntesan jini toj bʌ. Mux i taj cabʌl i pusic'al.

¹⁰Jiñʌch i cajibal lac ña'tʌbal che' mi lac bʌc'ñan lac Yum. Jini mu' bʌ i cʌn jini Ch'ujul Bʌ, anix i ña'tʌbal.

¹¹Jini mach bʌ anic i p'isol i ña'tʌbal mi' subeñonla: Mic ñajt'esan a jabilel cha'an jal ma' wajñel ti pañimil.

¹²Mi an cabʌl a pusic'al a wenlelʌch. Mi a wujil wajleya mux a toj, che'en.

¹³C'am mi' cha'len t'an jini tonto bʌ x'ixic. Leco i melbal. Ma'anic mi' jac' i cʌntesʌntel.

¹⁴Mi' buchtʌl ti' ti' i yotot ti yojlil tejclum ya' ti chan ba' mi' q'uel xñumelob.

¹⁵Mi' pejcan jini xñumelob toj bʌ mi' majlelob ti bij. Mi' yʌl:

¹⁶Jini maxto bʌ julemic i pusic'al la' ochic ba' añon, che'en. Jini x'ixic mi' pejcan jini mach bʌ anic i pusic'al:

¹⁷Uts'at mulil. Lajalʌch bajche' xujch'ibil bʌ ja' sumuc bʌ ti japol. Uts'at chuqui mi lac mel ti mucul. Lajalʌch bajche' sumuc bʌ waj, lon che'en.

¹⁸Jini winic mach yujilic woli' pʌjyel majlel ba'an chʌmeño' bʌ tsa'ix bʌ i jac'beyob i t'an. Ya' añob ti' tamlel mucoñibʌl jini pʌybilo' bʌ i cha'an.