Read Chol Eclesiastes 6 Bible Online

Eclesiastes 6 - Chol bible

Eclesiastes 6

¹An junchajp wocol tsa'ix bʌ j q'uele ti yebal panchan baqui jach an winicob.

²An winic mu' bʌ i yʌq'uentel cabʌl taq'uin yic'ot cabʌl i chubʌ'an yic'ot i ñuclel. Dios mi' yʌc' ti wen chumtʌl. Ma'anic chuqui mi' tic'ben ti pejtelel chuqui yom i pusic'al. Pero ma'anic mi' yʌq'uen i tijicñʌyel i pusic'al yic'ot i p'ʌtʌlel cha'an mi' lu' q'uel ti uts'at. Pejtel i chubʌ'an mi caj i cʌybentel yambʌ winic mach bʌ i pi'ʌlic, mu' bʌ caj i q'uel ti uts'at ti' tijicñʌyel i pusic'al. Wen wocol jini. Lolom jach.

³An winic wen p'ump'un bʌ, come ti pejtelel i jabil mach jasʌlic mi' taj chuqui tac yom ti pañimil. Che' mi' chʌmel mach jasʌlic mi' cʌy taq'uin cha'an mi' wen mujquel. Anic jo'c'al i yalobil lolom jach. Muq'uic i jal'an ti pañimil c'ʌlʌl wen ñoxix, ¿chuqui i ye'tel? Uts'at tsa'ic chʌmi che' cʌntʌbil to.

⁴Che'ic jini, to'ol jach tsi' cʌnta i ña'. Che'ic jini, tsa' bʌc' jili ti ic'ch'ipan bʌ pañimil. Ma'anic tsa' otsʌbenti i c'aba'.

⁵Che'ic jini, ma'anic tsi' q'uele i sʌclel pañimil. Ma'anic tsi' wis ña'ta mi an q'uin. Mi cʌl uts'at che' jini.

⁶Pero mach uts'atic che' mi' jal'an ti pañimil c'ʌlʌl che' wen ñoxix mi jini jach ch'ijiyem bʌ mi' yubin. Mi tsa' jal'a ti pañimil mil jab, mi tsa' cha' aq'uenti yambʌ mil jab, mi mach tijicñayic i pusic'al, ¿chuqui i ye'tel cabʌl jab? ¿Mach ba jump'ejlic la cajñib ba' mi lac majlel ti pejtelonla?

⁷Pejtel winicob mi' cha'leñob e'tel cha'an mi' tajob i bʌl i ñʌc', pero mach lajmic jini wi'ñal.

⁸Jini am bʌ i ña'tibal, ¿chuqui ñumen uts'at mi' taj ti pañimil mach bʌ anic mi' taj ja'el jini tonto? ¿Mach ba ñumen tijicñayic jini pobre yujil bʌ wen ajñel ti' tojlel i pi'ʌlob?

⁹Anquese ts'ita' lac chubʌ'an yom tijicñayonla yic'ot jini am bʌ lac cha'an. Mach yomic mi laj cabʌl pensalin chuqui anto yom lac cha'an. Lolom jach jini. To'ol ic' jach.

¹⁰Wʌn ña'tibil ti Dios pejtel chuqui tac an yic'ot pejtel chuqui mi' caj ti ujtel. Laj cʌmbilonla c'ʌlʌl wajali. Mi lac lon a'len Dios, come i melbalonla Dios am bʌ cabʌl i p'ʌtʌlel.

¹¹¿Chuqui i c'ʌjñibal cabʌl t'an? Ma'anic i c'ʌjñibal.

¹²Jumuc' jach añonla ti pañimil. Ñumel jach mi lac ñumel che' bajche' axñal. ¿Chuqui la que'tel che' cuxulon tola? ¿Majqui yujil chuqui mi' caj ti ujtel ijc'ʌl mi chabi?